Կասեցվել է հանրային սննդի երկու օբյեկտի գործունեությունը
Հայաստան
ՀՀ սննդամթերքի անվտանգության տեսչական մարմնի Արարատի մարզային կենտրոնի տեսուչները վերահսկողական միջոցառումներ են անցկացրել անհատ ձեռնարկատեր Մանի Մանոջին պատկանող (Արարատի մարզ, ք. Մասիս), իսկ Երևանի կենտրոնի տեսուչները՝ «Վենդինգ» ՍՊԸ-ին պատկանող (Երևան, Հանրապետության Հրապարակ 4) հանրային սննդի օբյեկտներում:
Պարզվել է, որ այս կազմակերպություններում խախտվել են իրավական ակտերով սահմանված սանիտարահիգիենիկ նորմերը:
Այսպես՝ Մասիս քաղաքում գտնվող սննդի օբյեկտում չեն ապահովվել խաչաձև աղտոտումից պաշտպանության կանոնները, չեն ձեռնարկվել համապատասխան միջոցներ կենդանիների մուտքը սննդամթերքի պատրաստման, մշակման, պահման և տեղափոխման տարածքներ կանխելու համար, չի եղել հանդերձարան աշխատակիցների համար, իսկ անձնակազմը չի ենթարկվել պարտադիր նախնական և պարբերական բժշկական զննությունների:
Երևանում գործող կազմակերպությունում արտադրական, առևտրի, օժանդակ, կենցաղային շենքերը չեն պահվել մաքուր և նորոգ վիճակում, չեն ունեցել խոնավ մաքրման և ախտահանման հնարավորություն, պատերը և առաստաղն ունեն վերանորոգման կարիք:
Հանրային սննդի նշված օբյեկտների գործունեությունը կասեցվել է, սահմանվել են խախտումները վերացնելու ժամկետներ:
Կարդացեք նաև
27 մայիս 2022, 16:36
Լոռու մարզում կասեցվել է հանրային սննդի կետի գործունեությունը
22 հուլիս 2022, 19:05
Կասեցվել է հանրային սննդի օբյեկտի արտադրական գործունեությունը. ՍԱՏՄ
27 հուլիս 2022, 21:43
Կասեցվել է Վարդանանց փողոցում գտնվող հանրային սննդի օբյեկտի արտադրական գործունեությունը
19 օգոստոս 2021, 19:59
Պարզ լճի տարածքում գործող հանրային սննդի օբյեկտի գործունեությունը կասեցվել է
14 հուլիս 2022, 13:43
Կասեցվել է հացի արտադրամասի և հանրային սննդի կետի գործունեությունը
13 սեպտեմբեր 2021, 12:17
Կասեցվել է հացի արտադրամասի գործունեությունը. ՍԱՏՄ