Հայկական կողմը իր պահանջներն է ներկայացրել․ ադրբեջանցիները հրամանի են սպասում, ըստ ՊՆ-ի՝ ամենայն հավանականությամբ՝ որ հետ քաշվեն․ azatutyun.am
Հայաստան
Հայկական կողմը բանակցություններում իր պահանջներն է ներկայացրել։ Ասվել է, որ որևէ մետր տարածք չեն պատրաստում զիջել ադրբեջանական կողմին, և պահանջել է նրանցից հետ քաշվել ելման դիրքեր, «Ազատությանը» փոխանցեցին Պաշտպանության նախարարությունից։
Ադրբեջանցիներն այս պահին իրենց վերադասի հրամանին են սպասում, ըստ Հայաստանի ռազմական գերատեսչության՝ որպեսզի, ամենայն հավանականությամբ, հետ քաշվեն նախորդ օրերին առաջացած տարածքներից:
Թե ինչ ձևաչափով են ընթացել բանակցությունները, ովքեր են մասնակցել, ՊՆ-ից չեն հայտնում:
«Ազատության» տեղեկություններով` նախօրեին Սյունիքի մարզի Խնձորեսկ գյուղում 6 ժամից ավելի տևած բանակցություններին հայկական կողմից մասնակցել են Ազգային անվտանգության ծառայության և Զինված ուժերի ներկայացուցիչներ, նաև ռուս բարձրաստիճան զինվորականներ:
Հիշեցնենք, նախորդ երկու օրերին պաշտոնական Երևանը հաղորդեց ադրբեջանական զինուժի՝ Հայաստանի տարածք ներխուժելու և Սյունիքի մարզի Սև լճի տարածքում, ինչպես նաև Սիսիան քաղաքի և Գեղարքունիքի մարզի Վարդենիս քաղաքի ուղղություններով առաջխաղացման մասին։
Տեղի ունեցածի կապակցությամբ Հայաստանը դիմում է Հավաքական անվտանգության պայմանագրի կազմակերպությանը, որին անդամակցում է։
Միաժամանակ, ադրբեջանական կողմի հետ բանակցություններ էին ընթանում՝ Հայաստանի տարածքները լքելու պահանջով։
Ադրբեջանցիներն այս պահին իրենց վերադասի հրամանին են սպասում, ըստ Հայաստանի ռազմական գերատեսչության՝ որպեսզի, ամենայն հավանականությամբ, հետ քաշվեն նախորդ օրերին առաջացած տարածքներից:
Թե ինչ ձևաչափով են ընթացել բանակցությունները, ովքեր են մասնակցել, ՊՆ-ից չեն հայտնում:
«Ազատության» տեղեկություններով` նախօրեին Սյունիքի մարզի Խնձորեսկ գյուղում 6 ժամից ավելի տևած բանակցություններին հայկական կողմից մասնակցել են Ազգային անվտանգության ծառայության և Զինված ուժերի ներկայացուցիչներ, նաև ռուս բարձրաստիճան զինվորականներ:
Հիշեցնենք, նախորդ երկու օրերին պաշտոնական Երևանը հաղորդեց ադրբեջանական զինուժի՝ Հայաստանի տարածք ներխուժելու և Սյունիքի մարզի Սև լճի տարածքում, ինչպես նաև Սիսիան քաղաքի և Գեղարքունիքի մարզի Վարդենիս քաղաքի ուղղություններով առաջխաղացման մասին։
Տեղի ունեցածի կապակցությամբ Հայաստանը դիմում է Հավաքական անվտանգության պայմանագրի կազմակերպությանը, որին անդամակցում է։
Միաժամանակ, ադրբեջանական կողմի հետ բանակցություններ էին ընթանում՝ Հայաստանի տարածքները լքելու պահանջով։