Լեհաստանի Բիալիստոկ քաղաքում հայկական խաչքար է բացվել
Մշակույթ
Սեպտեմբերի 19-ին Լեհաստանի Բիալիստոկ քաղաքում տեղի ունեցավ Սբ. Յեժեգո (Parafia Prawosławna św. wielkomęczennika Jerzego Zwycięzcy w Białymstoku) եկեղեցու բակում կանգնեցված Հայոց ցեղասպանության զոհերի և Արցախյան պատերազմում նահատակված հայազգի զավակների հիշատակին նվիրված խաչքարի բացման և օծման արարողությունը։ Այս մասին տեղեկացնում է Լեհաստանում ՀՀ դեսպանությունը։
Լեհաստանում ՀՀ դեսպան Սամվել Մկրտչյանը, Լեհահայոց Հոգևոր Հովիվ Տեր Տարոն վարդապետ Ղուլիկյանի ձեռամբ կատարված օծման կարգից հետո, իր խոսքում, մասնավորապես, մեծ նշանակություն տվեց և առանձնահատուկ ընդգծեց քրիստոնեական արժեքների և հայապահպանության գաղափարի շուրջ համախմբման կարևորությունը։
Վերոնշյալ Ուղղափառ եկեղեցու ծխական համայնքի քահանայապետ Գժեգոժ Միշիուկը (Ks. mitrat Grzegorz Misijuk) ևս ողջույնի խոսքեր և բարեմաղթանքներ հղեց ներկաներին։ Լեհաստանի տարբեր շրջաններից ժամանած միջոցառման մասնակիցներն իրենց երախտագիտության և գնահատանքի խոսքերն ուղղեցին նաև խաչքարի տեղադրման աշխատանքներում անմիջական ներգրավվածություն ունեցած Օգսեն Սահակյանի ընտանիքին։
Լեհաստանում ՀՀ դեսպան Սամվել Մկրտչյանը, Լեհահայոց Հոգևոր Հովիվ Տեր Տարոն վարդապետ Ղուլիկյանի ձեռամբ կատարված օծման կարգից հետո, իր խոսքում, մասնավորապես, մեծ նշանակություն տվեց և առանձնահատուկ ընդգծեց քրիստոնեական արժեքների և հայապահպանության գաղափարի շուրջ համախմբման կարևորությունը։
Վերոնշյալ Ուղղափառ եկեղեցու ծխական համայնքի քահանայապետ Գժեգոժ Միշիուկը (Ks. mitrat Grzegorz Misijuk) ևս ողջույնի խոսքեր և բարեմաղթանքներ հղեց ներկաներին։ Լեհաստանի տարբեր շրջաններից ժամանած միջոցառման մասնակիցներն իրենց երախտագիտության և գնահատանքի խոսքերն ուղղեցին նաև խաչքարի տեղադրման աշխատանքներում անմիջական ներգրավվածություն ունեցած Օգսեն Սահակյանի ընտանիքին։