6,5-7-բալլանոց երկրաշարժ Թուրքիայում, հաղորդվում է 23 տուժածի մասին

Տարածաշրջան

12:30, 11 август 2023

Երեկ երեկոյան ժամը 20:48-ին Թուրքիայի Մալաթիա նահանգում 5,3 (6.5- 7 բալլ) մագնիտուդով երկրաշարժ է գրանցվել։

Երկրաշարժի հետևանքով առնվազն 23 մարդ է տուժել, հայտարարել է Թուրքիայի առողջապահության նախարար Ֆահրեթթին Քոջան։

«Վերջին տվյալներով՝ երկրաշարժից հետո Մալաթիայում 22 մարդ և Ադիյամանում մեկ մարդ է վիրավորվել՝ ցատկելով բարձրությունից»,- գրել է նա իր X (նախկին՝ Թվիթեր) էջում։

Նա հավելել է, որ աղետի գոտի է ուղարկվել շտապօգնության ավելի քան 20 մեքենա, իսկ հոսպիտալացվածների բուժումը շարունակվում է։

Երկրաշարժն ավերել է մեկ ոչ բնակելի շենք, հաղորդում է APA-ի Ստամբուլի թղթակիցը՝ վկայակոչելով Մալաթիայի նահանգապետ Հուլուսի Շահինին։

Աղբյուր՝ azatutyun.am