««Ազատության» վրա հարձակման կրկնությունը դատախազության անգործության հետևանքն է»․ դեպքն ուսումնասիրման փուլում է
Իրավունք
Գլխավոր դատախազությունն ուսումնասիրում է «Ազատություն» ռադիոկայանի լրագրողի և օրեպատորի վրա երեկվա հարձակումը 16+-ի երթիբ ընթացքում։ Այս մասին Civic.am-ի հարցին ի պատասխան ասաց գլխավոր դատախազի խորհրդական Գոռ Աբրահամյանը՝ հավելելով, որ հետագա ընթացքի մասին կտեղեկացնեն։
Երեկ կազմակերպված «Հայրենիքի փրկության շարժման» երթի ընթացքում մի խումբ ակցիայի մասնակցիներ հարձակվեցին «Ազատության» լրագրողի և օպերատորի վրա՝ ոտքերով հարվածներ հասցնելով նրանց և հնչեցնելով վիրավորական արտահայտություններ ու հայհոյանքներ։
«Ազատություն» ռադիոկայանից չպատասխանեցին մեր հեռախոսազաներից։ Ռադիոկայան այցելած ԱԺ պատգամաավոր Արման Բաբաջանյանը իր ֆեյսբուքյան էջում գրառում է կատարել, նշելով, որ պարզվում է՝ լրագրողի վրա հարձակումից այսքան ժամ անց իրավապահները չեն այցելել խմբագրություն, կապ չեն հաստատել հարձակման թիրախում հայտնված լրագրողին և օպերատորին, որևէ գործողություն չեն իրականացրել։
«Կարող ենք արձանագրել, որ պետությունն ամբողջությամբ անպաշտպան է թողել ժողովրդավարությունը, ուստի անհրաժեշտ և կարևոր եմ համարում, որ մեր երկրի ժողովրդավարական բոլոր ուժերը հենց այս գիտակցմամբ կազմակերպվեն և ցույց տան, որ մեր երկրում ժողովրդավարությունը անպաշտպան չէ, որևէ ոտնձգություն ազատ խոսքի և հիմնարար այլ արժեքների նկատմամբ արժանի հակահարված է ստանալու հասարակության լայն շերտերի և ժողովրդավարությանը նվիրված քաղաքական և հասարակական միավորների կողմից»,-գրել է պատգամավորը։
Խնդրին անդրադարձել է իրավապաշտպան Ժաննա Ալեքսանյանը՝ գրառում կատարելով այս հարձակման վերաբերյալ։ Նա նշել է, որ միջադեպի կրկնությունը իրականում դատախազության անգործության հետևանքն է՝ հիշեցնելով անհամեմատ ավելի բռնի դրսևորմամբ անցած տարվա նոյեմբերի 10-ին տեղի ունեցած հարձակումը, երբ «Ազատություն» ռադիոկայանի գրասենյակ էին փորձել ներխուժել 4 տասնյակ տղամարդիկ, ոտքերով ու բռունցքներով հարվածել դռներին, հայհոյանքներ հնչեցրել աշխատակիցների հասցեին։
Նոյեմբերի 10-ի հարձակման մասով դատախազությունից Civic.am-ին տեղեկացրին, որ մինչ օրս չկա հարուցված քրեական գործ։
Հիշեցնենք, որ նոյեմբերի 10-ի հարձակումից հետո «Ազատություն» ռադիոկայանի գրասենյակի անվտանգության տեսախցիկների կատարած նկարահանումներից պարզվել էր, որ շենք ներխուժած տղամարդկանց շարքում է եղել նաև դաշնակցական, կրթության նախկին փոխնախարար Բագրատ Եսայանը։
Եսայանը նախկինում բազմիցս հյուրընկալվել էր «Ազատության» տաղավար և լավ իմանալով, թե շենքի բազմաթիվ գրասենյակներից որտեղ է գտնվում «Ազատության» տաղավարը, ըստ տեսագրության, ուղեկցել էր տղամարդկանց շենք։ Որոշ ժամանակ անց մի խումբ անձիք ետ էին վերադարձել՝ արդեն առանց Եսայանի ու ջարդուփշուր արել գրասենյակը։
Սյուզի Սիրականյան
Երեկ կազմակերպված «Հայրենիքի փրկության շարժման» երթի ընթացքում մի խումբ ակցիայի մասնակցիներ հարձակվեցին «Ազատության» լրագրողի և օպերատորի վրա՝ ոտքերով հարվածներ հասցնելով նրանց և հնչեցնելով վիրավորական արտահայտություններ ու հայհոյանքներ։
«Ազատություն» ռադիոկայանից չպատասխանեցին մեր հեռախոսազաներից։ Ռադիոկայան այցելած ԱԺ պատգամաավոր Արման Բաբաջանյանը իր ֆեյսբուքյան էջում գրառում է կատարել, նշելով, որ պարզվում է՝ լրագրողի վրա հարձակումից այսքան ժամ անց իրավապահները չեն այցելել խմբագրություն, կապ չեն հաստատել հարձակման թիրախում հայտնված լրագրողին և օպերատորին, որևէ գործողություն չեն իրականացրել։
«Կարող ենք արձանագրել, որ պետությունն ամբողջությամբ անպաշտպան է թողել ժողովրդավարությունը, ուստի անհրաժեշտ և կարևոր եմ համարում, որ մեր երկրի ժողովրդավարական բոլոր ուժերը հենց այս գիտակցմամբ կազմակերպվեն և ցույց տան, որ մեր երկրում ժողովրդավարությունը անպաշտպան չէ, որևէ ոտնձգություն ազատ խոսքի և հիմնարար այլ արժեքների նկատմամբ արժանի հակահարված է ստանալու հասարակության լայն շերտերի և ժողովրդավարությանը նվիրված քաղաքական և հասարակական միավորների կողմից»,-գրել է պատգամավորը։
Խնդրին անդրադարձել է իրավապաշտպան Ժաննա Ալեքսանյանը՝ գրառում կատարելով այս հարձակման վերաբերյալ։ Նա նշել է, որ միջադեպի կրկնությունը իրականում դատախազության անգործության հետևանքն է՝ հիշեցնելով անհամեմատ ավելի բռնի դրսևորմամբ անցած տարվա նոյեմբերի 10-ին տեղի ունեցած հարձակումը, երբ «Ազատություն» ռադիոկայանի գրասենյակ էին փորձել ներխուժել 4 տասնյակ տղամարդիկ, ոտքերով ու բռունցքներով հարվածել դռներին, հայհոյանքներ հնչեցրել աշխատակիցների հասցեին։
Նոյեմբերի 10-ի հարձակման մասով դատախազությունից Civic.am-ին տեղեկացրին, որ մինչ օրս չկա հարուցված քրեական գործ։
Հիշեցնենք, որ նոյեմբերի 10-ի հարձակումից հետո «Ազատություն» ռադիոկայանի գրասենյակի անվտանգության տեսախցիկների կատարած նկարահանումներից պարզվել էր, որ շենք ներխուժած տղամարդկանց շարքում է եղել նաև դաշնակցական, կրթության նախկին փոխնախարար Բագրատ Եսայանը։
Եսայանը նախկինում բազմիցս հյուրընկալվել էր «Ազատության» տաղավար և լավ իմանալով, թե շենքի բազմաթիվ գրասենյակներից որտեղ է գտնվում «Ազատության» տաղավարը, ըստ տեսագրության, ուղեկցել էր տղամարդկանց շենք։ Որոշ ժամանակ անց մի խումբ անձիք ետ էին վերադարձել՝ արդեն առանց Եսայանի ու ջարդուփշուր արել գրասենյակը։
Սյուզի Սիրականյան