«X գումար էին մուծում և 27 տարին լրացած երիտասարդներին ազատում էին, մենք հրաժարվեցինք այս մոտեցումից»․ Անդրանիկ Քոչարյան

Պատերազմը ուղղումներ մտցրեց, որի արդյունքում քաղաքական որոշումը դարձավ առաջնային: Մենք փորձ արեցինք կանխել ծնողների արու զավակներին Հայաստանից դուրս բերելու գործընթացը: Շատ  լավ հիշում եք, որ իմ, Մխիթար Հայրապետյանի և Արման Բաբաջանյանի կողմից կար նախաձեռնություն, որոշակի օրենքներում՝ 227 –րդ հոդվածում, խստացումներ իրակացնելու: Այս մասին այսօր՝ լրագրողների հետ զրույցում, ասաց ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ անդրադառնալով ժամկետային զինվորական ծառայության զորակոչից խուսափած անձանց նկատմամբ համաներում հայտարարելու  հարցին:

«Տարիներ շարունակ ինչ-որ X գումար էին մուծում մարդիկ ամեն տարի և 27 տարին լրացած երիտասարդնեին այդ ձևաչափով քրեական հետապնդումից ազատում էին: Մենք հրաժարվեցինք այս մոտեցումից: Օրինագիծը նաև շրջանառության մեջ էր և մեր հանձնաժողովում մենք հետաձգեցինք այն,  քանի որ ռազմական գործողությունների փուլ էինք մտել, և այդ իրավակարգավորումը այդ պահին որևէ խնդիր չէր լուծելու, այլ ընդհակառակը խորացնելու էր իրավիճակը»,- նշեց նա:

Պարոն Քոչարյանի խոսքով՝ պատերազմից հետո, սակայն, ցանկացած պետություն ցանկացած ժողովուրդ ինքը պետք է հանրային ներդաշնակ միջավայր ստեղծի և այժմ  հետպատերազմյան շրջանում այսպիսի խնդիրների զրոյացման փուլ պետք է անցնի մեր պետությունը:

«Ինքս քննարկումներ իրականացրել եմ և առաջարկել 27 տարին լրացածների համար ամնիստիա, ինչ-որ պահից սկսած, քանի որ մարդկանց թիվը չհրապարակեմ, բայց այն շատ մեծ է: Դրանք տասնյակ տարիներ են, երբ ծնողները երեխաներին դուրս են բերել երկրից: Այդ որոշումը իրենցը չի եղել, նրանք երեխա են եղել, ծնողները ունեցել են իրենց մոտիվացիան»,- նշեց պարոն Քոչարյանը:

 Պարոն Քոչարյանը ծնողների որոշումները չի ցանկանում քննարկել, սակայն կարծում է՝  պետությունը պետք է կարողանա այդ բոլոր ռիսկերը և մեր ազգային ռեսուրսը ճիշտ կառավարել.
«Այն սերունդը, որ պատերազմից հետո ինքն էլ չկարողացավ ոչ գա, ոչ մասնակցույթյուն ունենա, ես համոզված եմ նաև հոգեբանական բարդույթի հետ գործ ունենք այստեղ, մենք լուծում ենք այդ խնդիրները այս համաներումով»:

Քոչարյանը նշեց, որ կարևոր է այն հանգամանքը, որ նրանց տրվելու է մեկ տարի ժամանակ, որպեսզի գան իրենց պետության հետ խնդիրները լուծեն, որից հետո լինելու են շատ խստացումներ. «Այն խստացումները , որը մենք առաջարկում էինք այն օրեսնդրական փոփոխությունների շրջանակում, որը կանխելու էր նման երևույթները ընդհանրապես: Այս փոփոխությամբ՝ խստացնելով այս օրենքները, ծնողները պետք է մտածեն, որ երեխաներին տանելով, նրանք միջազգային հետախուզման մեջ կհայտնվեն, քանի որ ծանր հոդվածներով են գնում, և հետախուզում կարող է հետևել դրան, և նրանք դրսում ապրելու շատ մեծ բարդույթներ են ունենալու»:

Ըստ Քոչարյանի՝ ավելի լավ է կառուցել և մեր երկրում գրավիչ դարձնել զինված ուժերը: Այսպես կորած ռեսուրսը դառնում է մոբիլիզացիոն ռեսուրս. «Մի մոռացեք, որ նրանցից շատերը ստացել են հիանալի կրթություն: Այսօր կառավարության նիստից հետո շատերը արդեն կհասկանան՝ այդ հնարավորությունից ովքեր կարող են առաջնահերթ օգտվել, քանի որ կա մի ստված զանգված էլ, որոնց  27ը չի լրացել, նրանք Հայաստանից գնացել են, բայց իրենց զինապարտ են»:

Նրա խոսքով՝ այս մարդիկ իրենք պետք է հիմա որոշում կայացնեն, կամ գան զորակոչի ենթարկվեն և քրեական հետապնդումից ազատվեն, կամ սպասեն, խստացումների ժամանակ, խստացումներով վերադառնան:

Ըստ պարոն Քոչարյանի ամնեինչ պետք է անել, այդ ռեսուրսը , հատկապես իտելեկտուալ ռեսուրսը ճիշտ օգտագործվի.
« Այսօր, երբ խոսում ենք բանակի ռեֆորմների մասին, շատ շատերը փայլուն կրթություն ստացած են, և, եթե նրանք ունենան հնարավորություն, թեկուզ ցանցային ճանապարհով զինված ուժերում իրենց ավանդը ներդնելու,մենք հաջողություններ կարձանագրենք»
Նրա խոսքով՝ մնում է պարզապես նվիրումով ու սիրով տալ այդ հնարավորությունը այդ մարդկանց: 

Հարցին, թե որտե՞ղ են երաշխիքները, որ մարդիկ կվերադառնան և կդառնան մոբիլիզացիոն ռեսուրս, նրանց արգելվելո՞ւ է հետո երկրից դուրս գալը, նա պատասխանեց, որ ոչ՝ չեն առևանգելու:

«Նրանց գալը արդեն դառնում է պետության ռեսուրս, երբ քրեական հետապնդումից նրանք ազատվում են, մենք որպես պետություն, երբ իրենց մոբիլիզացնում ենք, նրանք արդեն չեն կարող գնալ, քանի որ, եթե գնան, նորից քրեական հետապնդման են ենթրակվելու: Իսկ երբ գան, որպես ՀՀ քաղաքացի՝ հետապնդումից ազատված, մեր զինված ուժերը, ՊՆ-ն, տարբեր ծրագրերի մեջ նրանց օգտագործելու են»:

Նրա խոսքով դա կարգավորվելու է այնպես, ինչպես  շատ շատերին մոբիլիզացիայի ենթարկեցին՝ պատերազմի ընթացքում և հետպատերազմական շրջանում. «Գուցե պատրաստ չէինք այդ նույն մոբիլիզացիան ճիշտ կիրառելու և այդտեղ կա խնդիր, բայց մենք հիմա խոսում ենք վաղվա բանակի մասին և վաղվա մեր կառավարման մակարդակի բարձրացման մասին»: