Նոյեմբերի 10-ի հայտարարության բովանդակությունը ներկայիս գերլարված իրավիճակում ավելի պահանջված է դարձնում քաղաքացիական պատերազմից խուսափելու հրամայականը. Լ. Տեր-Պետրոսյանի խոսնակ
Քաղաքականություն / Հայաստան
ՀՀ առաջին նախագահ Լևոն Տեր-Պետրոսյանի խոսնակ Արման Մուսյինյանը գրել է:
«Մի շարք լրատվամիջոցներ հրապարակել են Նախագահ Լևոն Տեր-Պետրոսյանի՝ նոյեմբերի 10-ին հրապարակած հայտարարությունը՝ այն ներկայացնելով, որպես այսօր արված հայտարարություն:
Լրատվամիջոցներին հորդորում եմ ձեռնպահ մնալ ոչ հավաստի տեղեկությունների հրապարակումից, որը ոչ այլ ինչ է, եթե ոչ մասնագիտական անփութություն կամ անպարկեշտություն:
Ինչ վերաբերում է նոյեմբերի 10-ի հայտարարության բովանդակությանը, ապա ներկայիս գերլարված իրավիճակում այն ավելի պահանջված է դարձնում քաղաքացիական պատերազմից խուսափելու հրամայականը»:
Նշենք, որ այսօր Civic.am-ը դիմել էր ՀԱԿ-ին՝ մեկնաբանություն ստանալու ակնկալիքով, սակայն հրաժարվել էին մեկնաբանություն տալ: