Կդիտարկվի Իրանի հետ համատեղ տեխնիկական և արհեստագործական ուսումնարաններ ստեղծելու առաջարկը
Քաղաքականություն
Աշխատանքի և սոցիալական հարցերի նախարար Նարեկ Մկրտչյանը հեռախոսազրույց է ունեցել Իրանի Իսլամական Հանրապետության կոոպերացիայի, աշխատանքի և սոցիալական բարեկեցության նախարար Հոջաթոլլահ Աբդոլմալեքիի հետ։ Այդ մասին հայտնում են ՀՀ աշխատանքի և սոցիալական հարցերի նախարարությունից:
Զրույցի ընթացքում քննարկվել են աշխատանքի և սոցիալական պաշտպանության ոլորտում համագործակցության հետագա ուղղություններին առնչվող մի շարք հարցեր։ Նախարարն ընդգծել է երկու երկրների միջև ստորագրված փոխըմբռնման հուշագրի դրույթների իրագործման կարևորությունը՝ նշելով, որ այն կայուն և ամուր հիմքեր է ստեղծում համագործակցության շրջանակի ընդլայնման համար։
Անդրադառնալով երկու երկրների միջև կրթական և մասնագիտական կողմնորոշման ծրագրերի շուրջ համագործակցության զարգացման անհրաժեշտությանը՝ նախարարը պատրաստակամություն է հայտնել դիտարկել Հոջաթոլլահ Աբդոլմալեքիի առաջարկը՝ համատեղ տեխնիկական և արհեստագործական ուսումնարաններ ստեղծելու վերաբերյալ։
Հոջաթոլլահ Աբդոլմալեքին նշել է, որ 13 000 ուսումնարաններում տարեկան ավելի քան մեկ միլիոն քաղաքացի ստանում է տեխնիկական և մասնագիտական կրթություն, ինչը լավ հնարավորություն կարող է լինել Հայաստանի հետ հմուտ և փորձագիտական աշխատուժի փոխանակման տեսանկյունից։
Զրույցի ընթացքում քննարկվել են նաև հաշմանդամություն ունեցող անձանց համար անկախ կյանքի կենտրոնների և փոքր խմբային համայնքային տների ստեղծման վերաբերյալ հետագա համագործակցության հնարավորությունները։
Կարդացեք նաև
17 ապրիլ 2021, 20:59
Հայաստանը Արցախի սոցիալական անվտանգության երաշխավորն է․ ԱՀ ԱՍՀՆ
18 ապրիլ 2021, 12:29
Հայաստանի և Արցախի Սոցապ նախարարությունների միջև համագործակցության հուշագիր է ստորագրվել
26 օգոստոս 2021, 16:05
Նախարարն ընդունել է Հնդկաստանի դեսպանին
11 հոկտեմբեր 2021, 12:21
Աշխատանքի և սոցիալական հարցերի նախարար Նարեկ Մկրտչյանն ընդունել է Ղազախստանի Հանրապետության արտակարգ և լիազոր դեսպանին
15 հուլիս 2021, 21:17
Համագործակցության նոր հուշագիր՝ սոցիալական բնակարանաշինության, աշխատանքի և զբաղվածության ոլորտներում
30 սեպտեմբեր 2021, 21:49
Նարեկ Մկրտչյանը և Սերգեյ Կոպիրկինը քննարկել են կենսաթոշակային ապահովության ոլորտում համագործակցությանն առնչվող հարցեր