Աղջիկ երեխաների միջազգային օրվա կապակցությամբ խորհրդարանում էին շուրջօրյա խնամքի հաստատությունների սաները
Հասարակություն
Ազգային ժողովը հոկտեմբերի 8-ին իր հյուրընկալ դռներն էր բացել Մարի Իզմիրյանի անվան եւ Գավառի շուրջօրյա խնամքի հաստատությունների աղջիկ սաների առջեւ: Նրանց հետ հանդիպել են ՀՀ ԱԺ աշխատանքի եւ սոցիալական հարցերի մշտական հանձնաժողովի նախագահ Հերիքնազ Տիգրանյանը, «Քաղաքացիական պայմանագիր» խմբակցության պատգամավորներ Լիլիթ Ստեփանյանը, Զարուհի Բաթոյանը, Մարիամ Պողոսյանն ու «Հայաստան» խմբակցության պատգամավոր Ելենա Կիրակոսյանը:
Ողջունելով սաներին՝ Հերիքնազ Տիգրանյանը հաջողություններ է մաղթել նրանց՝ հորդորելով նպատակների իրականացմանն ընդառաջ գնալ վստահ քայլերով:
Թեյի սեղանի շուրջ երկու ժամ տեւած ջերմ զրույցի ընթացքում պատգամավորները պատասխանել են հյուրերի հարցերին, որոնք վերաբերել են ավագ դպրոցում առարկաների դասավանդման կազմակերպմանը, միջին մասնագիտական եւ բարձրագույն ուսումնական հաստատություններում կրթություն ստանալուն, վարձավճարներին:
Շուրջօրյա խնամքի հաստատությունների ներկայացուցիչների խոսքով՝ ոլորտի գերակա խնդիրների շարքում շարունակում են մնալ չափահաս դարձած սաների կացության, ինչպես նաեւ հասարակական կյանքի տարբեր ոլորտներում նրանց ինքնաիրացման մարտահրավերները: Աշխատակիցների դիտարկմամբ՝ դեռեւս առկա են հիմնախնդիրներ, որոնց հաղթահարման համար անհրաժեշտ է իրականացնել համակարգային փոփոխություններ:
Հերիքնազ Տիգրանյանի խոսքով՝ հանդիպումը կազմակերպվել է հոկտեմբերի 11-ին ընդառաջ, երբ աշխարհում նշվում է աղջիկ երեխաների միջազգային օրը: Կարեւորելով նման հանդիպումները՝ նա նշել է, որ սա աղջիկներին խրախուսելու եւս մեկ քայլ է, ինչը կօգնի նրանց շփումներում լինել անկաշկանդ:
Ներկաներից շատերը օրենսդիր մարմնի մասին պատկերացում են կազմել հեռուստաէկրանից եւ մեծ ոգեւորությամբ են ընդունել խորհրդարան այցելելու հրավերը: Ճանաչողական այցի ընթացքում նրանք թանգարանում ծանոթացել են օրենսդիր մարմնի պատմությանը, գրադարանում ներկայացված բազմաժանր գրականությանը: Սաները դիտել են «Ճանապարհ դեպի ժողովրդավարություն» խորագիրը կրող լուսանկարչական ցուցահանդեսը, որում ամփոփված են վերջին երեք տասնամյակների ընթացքում Հայաստանի անցած պատմական ուղին:
Խորհրդարանի հյուրերը վառ տպավորություններով հրաժեշտ են տվել պատգամավորներին՝ նրանցից ստանալով նաեւ նվերներ:
Ողջունելով սաներին՝ Հերիքնազ Տիգրանյանը հաջողություններ է մաղթել նրանց՝ հորդորելով նպատակների իրականացմանն ընդառաջ գնալ վստահ քայլերով:
Թեյի սեղանի շուրջ երկու ժամ տեւած ջերմ զրույցի ընթացքում պատգամավորները պատասխանել են հյուրերի հարցերին, որոնք վերաբերել են ավագ դպրոցում առարկաների դասավանդման կազմակերպմանը, միջին մասնագիտական եւ բարձրագույն ուսումնական հաստատություններում կրթություն ստանալուն, վարձավճարներին:
Շուրջօրյա խնամքի հաստատությունների ներկայացուցիչների խոսքով՝ ոլորտի գերակա խնդիրների շարքում շարունակում են մնալ չափահաս դարձած սաների կացության, ինչպես նաեւ հասարակական կյանքի տարբեր ոլորտներում նրանց ինքնաիրացման մարտահրավերները: Աշխատակիցների դիտարկմամբ՝ դեռեւս առկա են հիմնախնդիրներ, որոնց հաղթահարման համար անհրաժեշտ է իրականացնել համակարգային փոփոխություններ:
Հերիքնազ Տիգրանյանի խոսքով՝ հանդիպումը կազմակերպվել է հոկտեմբերի 11-ին ընդառաջ, երբ աշխարհում նշվում է աղջիկ երեխաների միջազգային օրը: Կարեւորելով նման հանդիպումները՝ նա նշել է, որ սա աղջիկներին խրախուսելու եւս մեկ քայլ է, ինչը կօգնի նրանց շփումներում լինել անկաշկանդ:
Ներկաներից շատերը օրենսդիր մարմնի մասին պատկերացում են կազմել հեռուստաէկրանից եւ մեծ ոգեւորությամբ են ընդունել խորհրդարան այցելելու հրավերը: Ճանաչողական այցի ընթացքում նրանք թանգարանում ծանոթացել են օրենսդիր մարմնի պատմությանը, գրադարանում ներկայացված բազմաժանր գրականությանը: Սաները դիտել են «Ճանապարհ դեպի ժողովրդավարություն» խորագիրը կրող լուսանկարչական ցուցահանդեսը, որում ամփոփված են վերջին երեք տասնամյակների ընթացքում Հայաստանի անցած պատմական ուղին:
Խորհրդարանի հյուրերը վառ տպավորություններով հրաժեշտ են տվել պատգամավորներին՝ նրանցից ստանալով նաեւ նվերներ:
Կարդացեք նաև
12 օգոստոս 2021, 12:13
Հերիքնազ Տիգրանյանը՝ ԱԺ աշխատանքի և սոցիալական հարցերի մշտական հանձնաժողովի նախագահի թեկնածու
17 սեպտեմբեր 2021, 12:08
Ովքեր կարող են խնամվել շուրջօրյա խնամքի հաստատություններում
30 սեպտեմբեր 2021, 16:41
ԱԺ մշտական հանձնաժողովի նախագահի հետ քննարկվել են արհեստակցական միություններին առնչվող մի շարք հարցեր
24 մայիս 2021, 22:43
ԱՀ ՄԻՊ-ն այցելել է Արցախի գիշերօթիկ հաստատությունների սաներին
30 օգոստոս 2021, 14:03
Թադևոս Ավետիսյանն ընտրվեց ԱԺ աշխատանքի և սոցիալական հարցերի մշտական հանձնաժողովի նախագահի տեղակալ
10 սեպտեմբեր 2021, 14:54
Հոգեկան առողջության և մտավոր խնդիրներ ունեցող անձինք կարող են խնամքի ծառայություններ ստանալ նաև տանը