Զոհվեց պատերազմի վերջին օրը. տեսանյութ
Կազմակերպչական ունակություններով օժտված, իր մասնագիտությանը գերազանց տիրապետող, ենթակա անձնակազմի հանդեպ հոգատար զինվորական: Բերդաշենցի Կարեն Ասրյանին այսպես են բնութագրում մարտական ընկերները: Կարենն այսօր կդառնար 40 տարեկան: Հարազատներն ու ընկերներն այցելել են Ստեփանակերտի պանթեոն, որտեղ ամփոփված է հերոսը: Կարենի վերջին մարտը Շուշիի մատույցներում էր: Նոյեմբերի 6-ին, գիտակցելով որ հայտնվելու է դժվար իրավիճակում, այնուամենայնիվ գնաց թշնամուն ընդառաջ և ընկավ շրջափակման մեջ: Զոհվեց պատերազմի վերջին օրը: Կատարած սխրագործությունների համար պարգևատրվել է «Մարտական խաչ» 1-ին աստիճանի շքանշանով: