Առաջարկում ենք ամսական առնվազն 70.000 դրամ կրթաթոշակ սահմանել, այդ թվում նաև՝ ագրարային ոլորտի ուսանողների համար. Ժաննա Անդրեասյան
Գիտություն
Այսօր՝ ապրիլի 19-ին, Ազգային ժողովում շարունակում է քննարկվել Կառավարության 2021-2026թթ. ծրագրի 2022թ. կատարման ընթացքն ու արդյունքները:
ԱԺ նիստը ուղիղ հետևող քաղաքացիներից մեկը հարց էր հղել ԿԳՄՍ նախարար Ժաննա Անդրեասյանին, որը բարձրաձայնեց ԱԺ փոխնախագահ Ռուբեն Ռուբինյանը: Հարցը վերաբերում էր Ագրարային համալսարանում ամեն տարի ուսման վարձավճարների բարձրացմանը և դրա պատճառներին:
Ի պատասխան նախարարն ասաց. «Ժամանակ առ ժամանակ բուհերը վերանայում են ուսման վարձերի չափերը, և դրա հիմքում ընկած են այն ծախսերը, որ բուհերն իրականացնում են տվյալ ուղղությամբ կրթությունը կազմակերպելու համար: Քանի որ երեկ էլ խոսակցություն եղավ գնաճի տեմպերի մասին, պիտի հասկանանք, որ բուհերի կողմից իրականացվող ծախսերը նույնպես ավելանում են:
Հետևաբար ես կարծում եմ, որ չկա տրամաբանություն, որ ուսման վարձերի փոփոխություններ չլինեն: Այլ հարց է, թե որքանով են իրազեկված ուսանողները, և ուսման վարձի նոր չափերը պիտի գործեն նոր ընդունվող ուսանողների համար»:
Նախարարը որպես ագրարային ոլորտի ուսանողների համար իրազեկում նշեց, որ ներկայացվել է կրթաթոշակային նոր տրամաբանություն: «Ինչպես գիտեք, տարիներ շարունակ մեր բուհերի ուսանողները ստացել են ամսական 5000 դրամի չափով կրթաթոշակներ, որը ուսանողի համար որևէ խնդիր չի լուծում, բայց պետության համար նշանակում է մի քանի հարյուր միլիոն դրամի փոշիացում»,- ասաց Ժաննա Անդրեասյանը և հավելեց, որ կրթաթոշակների նոր մոտեցում են ներկայացրել. «Առաջարկում ենք, որ պետության համար գերակա ուղղություններով, որտեղ դիմորդների թվի խրախուսման կարիք կա, ամսական առնվազն 70.000 դրամ կրթաթոշակ սահմանել: Եվ ագրարային ոլորտը դրանցից մեկն է»:
ԱԺ նիստը ուղիղ հետևող քաղաքացիներից մեկը հարց էր հղել ԿԳՄՍ նախարար Ժաննա Անդրեասյանին, որը բարձրաձայնեց ԱԺ փոխնախագահ Ռուբեն Ռուբինյանը: Հարցը վերաբերում էր Ագրարային համալսարանում ամեն տարի ուսման վարձավճարների բարձրացմանը և դրա պատճառներին:
Ի պատասխան նախարարն ասաց. «Ժամանակ առ ժամանակ բուհերը վերանայում են ուսման վարձերի չափերը, և դրա հիմքում ընկած են այն ծախսերը, որ բուհերն իրականացնում են տվյալ ուղղությամբ կրթությունը կազմակերպելու համար: Քանի որ երեկ էլ խոսակցություն եղավ գնաճի տեմպերի մասին, պիտի հասկանանք, որ բուհերի կողմից իրականացվող ծախսերը նույնպես ավելանում են:
Հետևաբար ես կարծում եմ, որ չկա տրամաբանություն, որ ուսման վարձերի փոփոխություններ չլինեն: Այլ հարց է, թե որքանով են իրազեկված ուսանողները, և ուսման վարձի նոր չափերը պիտի գործեն նոր ընդունվող ուսանողների համար»:
Նախարարը որպես ագրարային ոլորտի ուսանողների համար իրազեկում նշեց, որ ներկայացվել է կրթաթոշակային նոր տրամաբանություն: «Ինչպես գիտեք, տարիներ շարունակ մեր բուհերի ուսանողները ստացել են ամսական 5000 դրամի չափով կրթաթոշակներ, որը ուսանողի համար որևէ խնդիր չի լուծում, բայց պետության համար նշանակում է մի քանի հարյուր միլիոն դրամի փոշիացում»,- ասաց Ժաննա Անդրեասյանը և հավելեց, որ կրթաթոշակների նոր մոտեցում են ներկայացրել. «Առաջարկում ենք, որ պետության համար գերակա ուղղություններով, որտեղ դիմորդների թվի խրախուսման կարիք կա, ամսական առնվազն 70.000 դրամ կրթաթոշակ սահմանել: Եվ ագրարային ոլորտը դրանցից մեկն է»: