Թուրքայում ընդդիմությունը քննադատում է իշխանությանը․ լիրան 1 դոլարի նկատմամբ հասել է 15․26-ի

Քաղաքականություն

23:02, 16 декабрь 2021

Նոյեմբերի 16-ին թուրքական ազգային արժույթը՝ լիրան, արժեզրկման պատմական ռեկորդ է գրանցել՝ 1 ամերիկյան դոլարի նկատմամբ հասնելով 15․26-ի. գրում է ermenihaber-ը:

Լիրան արժեզրկվել է նաև եվրոյի և ֆունտ ստերլինգի նկատմամբ։ Արտարժույթի շուկայում գործարքներն կատարվում են 1 եվրո/17,27 լիրա, 1 ֆունտ ստերլինգ/20․5 լիրա փոխարժեքով։ 1 գրամ ոսկին գնահատվում է 872 լիրա։

Թուրքիայում գլխավոր ընդդիմադիր ուժ համարվող «Ժողովրդահանրապետական» կուսակցության (ԺՀԿ-CHP) խոսնակ Ֆայիք Օզթրաքը Twitter-ի իր միկրոբլոգում քննադատական գրառում է արել՝ ֆինանսատնտեսական նման վատթար վիճակի մեջ մեղադրելով թուրքական իշխանություններին։
«1 դոլարը 15 լիրա է։ Եթե դեռևս կարողանում ենք առանց ձանձրանալու պարծենալ ձեր ստեղծագործությամբ, խնդրեմ, պարծեցե՛ք»,-գրել է Օզթրաքը՝ շեշտելով, որ իշխանությունները քաղաքացիներին դարձրել են «օտար՝ սեփական երկրում, ստորացված՝ սեփական հայրենիքում»։