Մեծ Բրիտանիայի առաջին քաղաքական գործիչը հայտարարել է վարչապետի համար իր պայքարի մասին

Բրիտանական խորհրդարանի Համայնքների պալատի ղեկավար Փենի Մորդոնթը հայտարարել է, որ առաջադրվելու է Թագավորության վարչապետի պաշտոնում։ Այս մասին նա հայտնել է Twitter-ում։

«Ինձ քաջալերեց գործընկերներիս աջակցությունը, որոնք ցանկանում են նոր կյանք սկսել, համախմբել Պահպանողական կուսակցությունն ու ղեկավարությունը՝ հանուն պետության շահերի։ Ես առաջադրվում եմ կուսակցության ղեկավարի և վարչապետի պաշտոնում, որպեսզի միավորենք մեր երկիրը, կատարենք մեր խոստումները և հաղթենք հաջորդ համընդհանուր ընտրություններում»,- գրել է Մորդոնթը։
Այսպիսով, նա դարձավ առաջին քաղաքական գործիչը, որը պաշտոնապես հայտարարեց կառավարության ղեկավարի պաշտոնի համար պայքարի մասին՝ Լիզ Թրասի հրաժարականից հետո։

Ավելի վաղ Մորդոնթը համարվում էր վարչապետի պաշտոնի երկրորդ ամենահավանական ֆավորիտը՝ ֆինանսների նախկին նախարար Ռիշի Սունակից հետո։

Մեծ Բրիտանիայում, սակայն, շատերն են պատրաստ աջակցել նախկին վարչապետ Բորիս Ջոնսոնին՝ նրան համարելով պահպանողական կուսակցության և երկրի վարչապետի լավագույն թեկնածուն: