«Նման բան չկա, իրենք ասում են, իրենք հերքում են․ թող կողմնորոշվեն»․ ԳՇ նախկին պետը՝ Սերժ Սարգսյանի հայտարարության մասին
Քաղաքականություն
ՀՀ 3-րդ նախագահ Սերժ Սարգսյանը երեկ կայացած հարցազրույցի ժամանակ անդրադարձավ 2018-2024 թթ․ ՀՀ սպառազինության պլանին՝ նշելով, թե չգիտես ինչից ելնելով՝ նոր իշխանությունը փոխել է սպառազինության ամբողջ պլանը, որը մշակվել էր 2016 թվականի ապրիլյան քառօրյայից հետո։
«Ես անկեղծ պետք է խոստովանեմ, որ տեղյակ չեմ, թե ինչ փոփոխություններ են մտցրել, բայց ասում եմ՝ հաստատապես փոխվեց «ՏՈՌ» համալիրներ ձեռք բերելու պլանը, որը նախատեսված էր 3 խմբաքանակով, ՀՀ-ն ստացավ միայն 1 խմբաքանակ, այն էլ մեր ստորագրած պայմանագրով», - նշեց Սերժ Սարգսյանը։
ԳՇ նախկին պետ Արտակ Դավթյանը Civic.am-ի հետ զրույցում չցանկացավ մեկնաբանել Սերժ Սարգսյանի խոսքերը՝ ասելով, թե առաջին անգամ այդ մասին հայտարարած գեներալ-գնդապետ Մովսես Հակոբյանն ինքն է հերքել իր՝ ավելի վաղ կատարած հայտարարությունը։
«Անգամ եթե պլանը փոխված էլ լինի, դա նորմալ երևույթ է, չնայած նման բան չկա, իրանք ասում են, իրանք հերքում են, թող կողմնորոշվեն», - հայտարարեց Արտակ Դավթյանը։
Հիշեցնենք, որ սպառազինության պլանի փոփոխության մասին նախորդ տարվա նոյեմբերին տված իր մամուլի ասուլիսի ժամանակ ԳՇ նախկին պետ և նախկին գլխավոր ռազմական տեսուչ, գեներալ-գնդապետ Մովսես Հակոբյանը՝ նշելով, թե նոր իշխանությունը փոխել է զենքի պլանը և այլ զենքեր է ձեռք բերել։ Ավելի ուշ, սակայն, Մովսես Հակոբյանը հերքել էր իր այդ հայտարարությունը։ «Պարզվում է՝ զենքի պլանը չեն էլ փոխել։ Ինձ թվում էր՝ պետք է փոխեին, որովհետև նոր ղեկավարություն է եկել։ Իրենք պետք է զարգացման պլան կազմեին»,-հայտարարել է Մովսես Հակոբյանը։
Ստացվում է՝ առաջիկայում Սերժ Սարգսյանը ևս պետք է հերքի իր հայտարարությունը։
Վովա Հակոբյան
«Ես անկեղծ պետք է խոստովանեմ, որ տեղյակ չեմ, թե ինչ փոփոխություններ են մտցրել, բայց ասում եմ՝ հաստատապես փոխվեց «ՏՈՌ» համալիրներ ձեռք բերելու պլանը, որը նախատեսված էր 3 խմբաքանակով, ՀՀ-ն ստացավ միայն 1 խմբաքանակ, այն էլ մեր ստորագրած պայմանագրով», - նշեց Սերժ Սարգսյանը։
ԳՇ նախկին պետ Արտակ Դավթյանը Civic.am-ի հետ զրույցում չցանկացավ մեկնաբանել Սերժ Սարգսյանի խոսքերը՝ ասելով, թե առաջին անգամ այդ մասին հայտարարած գեներալ-գնդապետ Մովսես Հակոբյանն ինքն է հերքել իր՝ ավելի վաղ կատարած հայտարարությունը։
«Անգամ եթե պլանը փոխված էլ լինի, դա նորմալ երևույթ է, չնայած նման բան չկա, իրանք ասում են, իրանք հերքում են, թող կողմնորոշվեն», - հայտարարեց Արտակ Դավթյանը։
Հիշեցնենք, որ սպառազինության պլանի փոփոխության մասին նախորդ տարվա նոյեմբերին տված իր մամուլի ասուլիսի ժամանակ ԳՇ նախկին պետ և նախկին գլխավոր ռազմական տեսուչ, գեներալ-գնդապետ Մովսես Հակոբյանը՝ նշելով, թե նոր իշխանությունը փոխել է զենքի պլանը և այլ զենքեր է ձեռք բերել։ Ավելի ուշ, սակայն, Մովսես Հակոբյանը հերքել էր իր այդ հայտարարությունը։ «Պարզվում է՝ զենքի պլանը չեն էլ փոխել։ Ինձ թվում էր՝ պետք է փոխեին, որովհետև նոր ղեկավարություն է եկել։ Իրենք պետք է զարգացման պլան կազմեին»,-հայտարարել է Մովսես Հակոբյանը։
Ստացվում է՝ առաջիկայում Սերժ Սարգսյանը ևս պետք է հերքի իր հայտարարությունը։
Վովա Հակոբյան