Երևանի քաղաքապետի՝ ապօրինի կառույցը քանդելու որոշումը այսուհետ կիրագործվի. դատավորները այլևս չեն կարողանա կասեցնել այդ որոշումները. Վահագն Հովակիմյան․ Տեսանյութ

«Համայնքային սեփականության հողերի վրա շենքերի հետ կապված միշտ բերվել է Երևանի օրինակը՝ անտեսելով, թե դա ինչ հետևանք կարող է ունենալ մարզերի համար»,- այսօր՝ հուլիսի 1-ին, Ազգային ժողովի արտահերթ նիստում ինքնակամ կառույցների մասին օրինագծի երկրորդ ընթերցմամբ ընդունմանը հայտարարեց «Իմ քայլը» խմբակցության պատգամավոր Վահագն Հովակիմյանը:

Նրա խոսքով՝ թողնվել է միայն Վարչական դատավարության օրենսգրքում լրացում կատարելու նախագիծը. «Այս նախագծով լուծվում է այն խնդիրը, որ Երևանի քաղաքապետարանը, վարչական շրջանները չէին կարողանում լուծել և քանդել ապօրինի շինությունները: Այսինքն՝ Երևանում այլևս դատավորները չեն կարողանա կասեցնել քանդման որոշումները. երբ վարչական շրջանի ղեկավարը քանդման որոշում է կայացնում, դա պետք է իրագործվի»:

Վահագն Հովակիմյանը նշեց, որ մնացած կարգավորումներին առաջիկայում կառավարության նախաձեռնությամբ կտրվեն ավելի համապարփակ լուծումներ. «Նաև մարզերում տիրող իրավիճակը հաշվի առնելով՝ կտրվեն լուծումներ»:

Տեսանյութն՝ այստեղ