Բաքուն պատասխանել է Հայաստանում քաղաքացիական առաքելություն տեղակայելու մասին ԵՄ որոշմանը

Ադրբեջանն ի գիտություն է ընդունել Հայաստանում ԵՄ քաղաքացիական առաքելություն ստեղծելու մասին Եվրամիության խորհրդի որոշումը։

Ադրբեջանի արտաքին գործերի նախարարությունը, ինչպես նախկինում,  հաստատակամ դիրքորոշում է որդեգրում նման գործունեության՝ ներառյալ սահմանների սահմանազատման գործընթացի նկատմամբ, որը պետք է իրականացվի բացառապես երկկողմ հիմունքով, և այդ գործունեությունը ոչ մի դեպքում չպետք է օգտագործվի Ադրբեջանի և Հայաստանի միջև կարգավորման գործընթացը վնասելու նպատակով։

Այս մասին ասվում է Ադրբեջանի արտաքին քաղաքական գերատեսչության հայտարարության մեջ՝ կապված Հայաստանում ԵՄ խորհրդի կողմից քաղաքացիական առաքելության ստեղծման հետ «Կովկասում իրավիճակի կարգավորմանն աջակցելու» համար։ 

ԵՄ առաքելության տեղակայումը Հայաստանում պետք է պատշաճ կերպով ապահովվի՝ հաշվի առնելով Ադրբեջանի լեգիտիմ շահերը, իրականացվի այնպես, որ չխաթարի փոխադարձ վստահությունը։ 

Ադրբեջանական կողմն ակնկալում է, որ ԵՄ առաքելության գործունեության սկիզբը քննարկելու գործընթացում առավելագույն զգուշություն կդրսևորվի անցյալի փորձից անհրաժեշտ դասեր քաղելու համար, ասվում է հայտարարության մեջ։