Բաքվի և Մոսկվայի դիրքորոշումները ԼՂ հարցում համընկնում են, ու մենք ղարաբաղյան հակամարտությունն ավարտված ենք համարում․ Ալիև
Քաղաքականություն
Բաքվի և Մոսկվայի դիրքորոշումները ԼՂ հարցում համընկնում են, ու մենք ղարաբաղյան հակամարտությունն ավարտված ենք համարում, այս մասին հուլիսի 22-ին հայտարարել է Ադրբեջանի նախագահ Իլհամ Ալիևը «AzTV» պետական հեռուստատեսությանը տված հարցազրույցում։
Ալիևի խոսքով՝ հուլիսի 20-ին Մոսկվա իր այցելության ժամանակ Պուտինի հետ քննարկել են տարածաշրջանի հետպատերազմական իրավիճակը։
«Մենք քննարկել ենք տարածաշրջանի հետպատերազմյան իրավիճակը՝ ներառյալ «Զանգեզուրի միջանցք»-ն ու հետպատերազմական շրջանը։ Մոտեցումների հարցում մենք տարաձայնություններ չունենք: Մենք՝ Ռուսաստանն ու Ադրբեջանը, հավատում ենք, որ պատերազմն ավարտվել է, հակամարտությունն ավարտվել է », - ասել է Ալիևը։
Նրա պնդմամբ՝ կարևոր է կանխել Հայաստանում «ռևանշիզմի» դրսևորումները:
«Պատերազմի ռիսկերը պետք է նվազագույնի հասցվեն և վերացվեն: Մենք այս հարցում Ռուսաստանի հետ տարաձայնություններ չունենք։ Ինչ վերաբերում է «Զանգեզուրի միջանցք»-ին, ես տեղեկացրեցի պարոն Պուտինին, որ Հայաստանն այս հարցում կրկին անկեղծ չէ: Եվրոպական խորհրդի նախագահ Շառլ Միշելի հետ մամուլի ասուլիսում ես ասացի, որ տարածաշրջանում հաղորդակցային բոլոր ուղիները պետք է միաժամանակ բացվեն, և ընտրողական մոտեցում չպետք է կիրառվի: Բայց մենք տեսնում ենք, որ Հայաստանն այստեղ կրկին ուզում է ինչ-որ խաղ խաղալ», - հայտարարել է Ադրբեջանի նախագահը։
Ի հավելումն իր հայտարարության՝ Ալիևը նշել է, որ «Զանգեզուրի միջանցք»-ը պետք է բացվի, ինչպես նախատեսված է 2020 թվականի նոյեմբերի 10-ի եռակողմ համաձայնագրի 9-րդ կետով:
«Սա է մեր դիրքորոշումը», - ընդգծել է Ալիևը:
Ադրբեջանի ղեկավարը հարցազրույցի ընթացքում Հայաստանին է մեղադրել՝ տարածաշրջանում հաղորդակցությունների բացման ուղղությամբ փոխվարչապետների մակարդակով եռակողմ աշխատանքային խմբի աշխատանքների դադարեցման համար։
Ալիևը, անդրադառնալով ՌԴ-ի հետ երկկողմ հարաբերություններին, շեշտել է, որ Ադրբեջանն ու Ռուսաստանը ռազմավարական գործընկերներ են:
«Մենք իրական ռազմավարական գործընկերներ ենք, երկարաժամկետ ռազմավարական համագործակցության հարցում տարաձայնություններ չունենք: Մենք շատ ամուր բարեկամական կապեր ունենք, և մենք միմյանց վստահող քաղաքական գործիչներ ենք: Սա շատ կարևոր է», - շեշտել է Ադրբեջանի նախագահը:
Ալիևի խոսքով՝ հուլիսի 20-ին Մոսկվա իր այցելության ժամանակ Պուտինի հետ քննարկել են տարածաշրջանի հետպատերազմական իրավիճակը։
«Մենք քննարկել ենք տարածաշրջանի հետպատերազմյան իրավիճակը՝ ներառյալ «Զանգեզուրի միջանցք»-ն ու հետպատերազմական շրջանը։ Մոտեցումների հարցում մենք տարաձայնություններ չունենք: Մենք՝ Ռուսաստանն ու Ադրբեջանը, հավատում ենք, որ պատերազմն ավարտվել է, հակամարտությունն ավարտվել է », - ասել է Ալիևը։
Նրա պնդմամբ՝ կարևոր է կանխել Հայաստանում «ռևանշիզմի» դրսևորումները:
«Պատերազմի ռիսկերը պետք է նվազագույնի հասցվեն և վերացվեն: Մենք այս հարցում Ռուսաստանի հետ տարաձայնություններ չունենք։ Ինչ վերաբերում է «Զանգեզուրի միջանցք»-ին, ես տեղեկացրեցի պարոն Պուտինին, որ Հայաստանն այս հարցում կրկին անկեղծ չէ: Եվրոպական խորհրդի նախագահ Շառլ Միշելի հետ մամուլի ասուլիսում ես ասացի, որ տարածաշրջանում հաղորդակցային բոլոր ուղիները պետք է միաժամանակ բացվեն, և ընտրողական մոտեցում չպետք է կիրառվի: Բայց մենք տեսնում ենք, որ Հայաստանն այստեղ կրկին ուզում է ինչ-որ խաղ խաղալ», - հայտարարել է Ադրբեջանի նախագահը։
Ի հավելումն իր հայտարարության՝ Ալիևը նշել է, որ «Զանգեզուրի միջանցք»-ը պետք է բացվի, ինչպես նախատեսված է 2020 թվականի նոյեմբերի 10-ի եռակողմ համաձայնագրի 9-րդ կետով:
«Սա է մեր դիրքորոշումը», - ընդգծել է Ալիևը:
Ադրբեջանի ղեկավարը հարցազրույցի ընթացքում Հայաստանին է մեղադրել՝ տարածաշրջանում հաղորդակցությունների բացման ուղղությամբ փոխվարչապետների մակարդակով եռակողմ աշխատանքային խմբի աշխատանքների դադարեցման համար։
Ալիևը, անդրադառնալով ՌԴ-ի հետ երկկողմ հարաբերություններին, շեշտել է, որ Ադրբեջանն ու Ռուսաստանը ռազմավարական գործընկերներ են:
«Մենք իրական ռազմավարական գործընկերներ ենք, երկարաժամկետ ռազմավարական համագործակցության հարցում տարաձայնություններ չունենք: Մենք շատ ամուր բարեկամական կապեր ունենք, և մենք միմյանց վստահող քաղաքական գործիչներ ենք: Սա շատ կարևոր է», - շեշտել է Ադրբեջանի նախագահը: