Ադրբեջանա-թուրքական տանդեմի գործողությունները միտված են «Զանգեզուրի միջանցքը» բացառելու Իրանի դիրքորոշման դեմ. Արմեն Պետրոսյան
Քաղաքականություն
Այսօր՝ հոկտեմբերի 9-ին, «Հանուն Հանրապետության» կուսակցությունը հրավիրել է քննարկում՝ նվիրված Իրան-Ադրբեջան հարաբերությունների սրացմանը և Իրանի ակտիվացմանը տարածաշրջանային խնդիրներին:
Բացելով քննարկումը՝ կուսակցության խորհրդի անդամ Ռուբեն Մեհրաբյանը նշեց, որ այս քննարկման նպատակն է հասկանալ, թե որն է Հայաստանի անելիքը, ինչ շահեր ունի Հայաստանը, եթե, իհարկե, դրանք կան. «Մեր խնդիրն է վեր հանել զարգացումների պատճառահետևանքային կապերը»:
Արման Բաբաջանյանի խոսքով՝ նախաձեռնությունը ամբողջությամբ ապաքաղաքական է, որպեսզի փորձագետները, մտածող մարդիկ հավելյալ հարթակ ունենան և լրացվի վակուումը, «որպեսզի դա չլրացվի նույնիսկ մեր հակառակորդների կողմից մեր լրատվական դաշտ նետվող տարբեր աղբյուրների լրատվությամբ, որոնք երբեմն կործանարար ազդեցություն են ունենում մեր հասարակական կարծիքի համար»: «Վերջին ընտրություններից հետո՝ պահպանողականների իշխանության գալուց հետո, Իրանն ուզում է վերադառնալ տարածաշրջան և ակտիվ դերակատարություն ստանձնել»,- հավելեց նա:
Փորձագետ Արմեն Պետրոսյանը կարծում է, որ Իրան-Ադրբեջան հարաբերությունների լարումը ուղիղ հետևանք է 44-օրյա պատերազմի արդյունքում տարածաշրջանում փոփոխված ուժային բալանսի և դրա արդյունքում հաջողություն արձանագրած թուրք-ադրբեջանական դաշինքի քաղաքականության, որը միաժամանակ գործում է Իրանի դեմ երկու մակարդակներում՝ միկո և մակրո մակարդակներում. «Պատերազմում իր դիրքը զիջել է միանշանակ նաև Իրանի Իսլամական Հանրապետությունը: Թուրք-ադրբեջանական դաշինքի նպատակն է Իրանը դուրս թողնել տարածաշրջանային զարգացումներից և հնարավորինս թուլացնել Ադրբեջանի կախվածությունը Իրանից»:
Իրանը կարմիր գիծ է համարում սահմանների անխախտելիությունը և շեշտադրում է «Զանգեզուրի միջանցքի» հանգամանքը, նշեց փորձագետը և հավելեց. «Զանգեզուրի միջանցքի բացառումը, որպես այդպիսին, ներկայում բավականաչափ կարևոր խնդիր է, որով Իրանը կարող է վերադառնալ տարածաշրջան»:
Փորձելով հարցը շաղկապել Հայաստանի շահերի հետ՝ Արմեն Պետրոսյանը նկատեց. «Մենք, ի դեմս Իրանի, տարածաշրջանում ունենք միակ դերակատարը, որը բացեիբաց Հայաստանի կողքին է և բացառում է Զանգեզուրի միջանցքի ստեղծման հարցը: Չի բացառվում նաև, որ ադրբեջանա-թուրքական տանդեմի այդ գործողությունները միտված են Իրանի այս դիրքորոշման փոփոխությանը»:
Բացելով քննարկումը՝ կուսակցության խորհրդի անդամ Ռուբեն Մեհրաբյանը նշեց, որ այս քննարկման նպատակն է հասկանալ, թե որն է Հայաստանի անելիքը, ինչ շահեր ունի Հայաստանը, եթե, իհարկե, դրանք կան. «Մեր խնդիրն է վեր հանել զարգացումների պատճառահետևանքային կապերը»:
Արման Բաբաջանյանի խոսքով՝ նախաձեռնությունը ամբողջությամբ ապաքաղաքական է, որպեսզի փորձագետները, մտածող մարդիկ հավելյալ հարթակ ունենան և լրացվի վակուումը, «որպեսզի դա չլրացվի նույնիսկ մեր հակառակորդների կողմից մեր լրատվական դաշտ նետվող տարբեր աղբյուրների լրատվությամբ, որոնք երբեմն կործանարար ազդեցություն են ունենում մեր հասարակական կարծիքի համար»: «Վերջին ընտրություններից հետո՝ պահպանողականների իշխանության գալուց հետո, Իրանն ուզում է վերադառնալ տարածաշրջան և ակտիվ դերակատարություն ստանձնել»,- հավելեց նա:
Փորձագետ Արմեն Պետրոսյանը կարծում է, որ Իրան-Ադրբեջան հարաբերությունների լարումը ուղիղ հետևանք է 44-օրյա պատերազմի արդյունքում տարածաշրջանում փոփոխված ուժային բալանսի և դրա արդյունքում հաջողություն արձանագրած թուրք-ադրբեջանական դաշինքի քաղաքականության, որը միաժամանակ գործում է Իրանի դեմ երկու մակարդակներում՝ միկո և մակրո մակարդակներում. «Պատերազմում իր դիրքը զիջել է միանշանակ նաև Իրանի Իսլամական Հանրապետությունը: Թուրք-ադրբեջանական դաշինքի նպատակն է Իրանը դուրս թողնել տարածաշրջանային զարգացումներից և հնարավորինս թուլացնել Ադրբեջանի կախվածությունը Իրանից»:
Իրանը կարմիր գիծ է համարում սահմանների անխախտելիությունը և շեշտադրում է «Զանգեզուրի միջանցքի» հանգամանքը, նշեց փորձագետը և հավելեց. «Զանգեզուրի միջանցքի բացառումը, որպես այդպիսին, ներկայում բավականաչափ կարևոր խնդիր է, որով Իրանը կարող է վերադառնալ տարածաշրջան»:
Փորձելով հարցը շաղկապել Հայաստանի շահերի հետ՝ Արմեն Պետրոսյանը նկատեց. «Մենք, ի դեմս Իրանի, տարածաշրջանում ունենք միակ դերակատարը, որը բացեիբաց Հայաստանի կողքին է և բացառում է Զանգեզուրի միջանցքի ստեղծման հարցը: Չի բացառվում նաև, որ ադրբեջանա-թուրքական տանդեմի այդ գործողությունները միտված են Իրանի այս դիրքորոշման փոփոխությանը»:
Կարդացեք նաև
9 հոկտեմբեր 2021, 14:36
Տարածաշրջանում ի հայտ է գալիս նոր խաղացող՝ Իսրայելը. Թեհրանից հնչող մեսիջներն ուղղված են նաև Իսրայելին. Սարգիս Գրիգորյան
5 հոկտեմբեր 2021, 20:40
Իրանի ու Ադրբեջանի միջև բախումները բացառվում են՝ դա ո՛չ Թուրքիային է ձեռնտու, ո՛չ Իրանին․ իրանագետ
7 հոկտեմբեր 2021, 18:37
«3+3» ձևաչափը թուրքական հերթական հնարքն է՝ տարածաշրջանում իր դիրքը բարձրացնելու և Ռուսաստանի ու Արևմուտքի միջև խաղ խաղալու համար․ թուրքագետ
19 օգոստոս 2021, 18:43
Երևանի անդորրը սկսվում է և պայմանավորված է սահմանով. Ռուբեն Մեհրաբյան
15 հուլիս 2021, 15:43
ԻԻՀ նորընտիր նախագահ Սեյեդ Էբրահիմ Ռայիսիի ուղերձը ՀՀ վարչապետի պաշտոնակատար Նիկոլ Փաշինյանին
30 հուլիս 2021, 12:41
ԱՄՆ գործադիր իշխանությունն ունի իր շահերը մեր տարածաշրջանում՝ Բաքու-Ջեյհան նավթատարը սկիզբ է առնում Ադրբեջանից, որը կարևոր է ԱՄՆ-ի համար․ Սաֆրաստյան