«Բարեփոխված օրենսգրքով ընտրությունների անցկացման հնարավորությունը վերաբացվում է»․ Դանիել Իոաննիսյան
Քաղաքականություն
Դանիել Իոաննիսյանն իր ֆեյսբուքյան էջում գրում է․
«Բարեփոխված օրենսգրքով ընտրությունների անցկացման հնարավորությունը վերաբացվում է
Ազգային Ժողովի խորհուրդը քիչ անց ԱԺ արտահերթ նիստ կնշանակի (այսօր ժամը 18։30-ին), որի ժամանակ արտահերթ ու արագացված կարգով կընդունվի Ընտրական օրենսգրքի փաթեթի մնացած` մեծ մասը (թեև, որոշակի խնդրահարույց կրճատումներով)։
Այսպիսով, խորհրարանական մեծամասնությունը, փոխելով օրենսգրքի ընդունումը հետաձգելու` երկուշաբթի օրը կայացրած (ու քննադատված) որոշումը, բացում է առաջիկա ընտրությունները մասամբ բարեփոխված օրենսգրքով անցկացնելու հնարավորությունը։
Այլևս գնդակը լինելու է Հանրապետության նախագահի դաշտում։ Նախագահը կամ ոչ ուշ, քան մայիսի 10-ը կստորագրի ընտրական օրենսգիրքը ու ընտրությունները կանցնեն մասամբ բարեփոխված կանոններով, կամ չի անի դա (չի ստորագրի, կստորագրի ավելի ուշ կամ կուղարկի ՍԴ) և հունիսի 20-ի ընտրությունները կանցնեն հին օրենսգրքի կարգավորումներով։
Ինչու՞ մայիսի 10-ը։ Քանի որ, համաձայն Սահմանադրության, մայիսի 10-ի երեկոյան Հանրապետության նախագահը պետք է ստորագրի ընտրությունների նշանակման հրամանագիր, որով կսկսի ընտրական պրոցեսը։ Ընտրական պրոցեսը սկսելուց հետո դրա կարգավորումների փոփոխությունը, բնականաբար, կլինի խնդրահարույց»։
Կարդացեք նաև
17 ապրիլ 2021, 21:26
Ընտրությունների նշանակումից հետո օրենսգիրքը փոխելը կարող է լուրջ իրավական կազուսի աղբյուր լինել․Դանիել Իոաննիսյան
15 մարտ 2021, 20:00
Հունիսի 1-ը ողջամիտ ժամկետ չէ․ արտահերթ ընտրությունները պետք է կազմակերպվեն նոր ԸՕ-ով․ «Իմ քայլի» պատգամավոր
15 ապրիլ 2021, 18:42
ԸՕ փոփոխությունները ՍԴ ուղարկելը ֆանտաստիկայի ժանրից է, քանի որ այնտեղ սահմանադրականության հարց չկա․ Դանիել Իոաննիսյան
25 մարտ 2021, 15:46
Հայաստանի բնակչության 74 տոկոսը, ըստ IRI-ի հարցման, ուզում է, որ Ընտրական օրենսգիրքը փոփոխվի․ Դանիել Իոաննիսյան
18 մարտ 2021, 13:37
«Մարուքյանը Հ1-ի եթերում Ընտրական օրենսգրքի մասին ստերի մի փունջ է խոսել» ․ Դանիել Իոաննիսյան