«Բռնաբարված թուրքի լամուկ». ինչպես է Զարուհի Փոստանջյանը վիրավորում ու սադրում ոստիկաններին․ Տեսանյութ

Այսօր առավոտյան «Երկիր Ծիրանի» կուսակցության նախագահ Զարուհի Փոստանջյանը գնացել էր Եռաբլուր՝ ակցիա իրականացնելու։

Ոստիկանների այն պահանջին, որ նա լքի տարածքը, Փոստանջյանն ասաց, որ  ինքը խոչընդոտելու է «թուրքին»։ Ոստիկանները նրան մեկ րոպե ժամանակ տվեցին տարածքը լքելու համար և զգուշացրին՝ ոստիկանների օրինական պահանջին չենթարկվելու դեպքում նրան բերման կենթարկեն։ Սակայն Զարուհի Փոստանջյանը չհեռացավ տարածքից և սկսեց վիրավորական արտահայտություններ թույլ տալ ՀՀ վարչապետ Նիկոլ Փաշինյանի հասցեին։

Կրկին զգուշացնելուց հետո Զարուհի Փոստանջյանը բերման ենթարկվեց։ Ոստիկանական ավտոմեքենայի մեջ նա սկսեց աղմկել, սադրել և ոստիկանների հասցեին հնչեցնել վիրավորական արտահայտություններ՝ անվանելով նրանց «եզ», «թուրք» և «բռնաբարված թուրքի լամուկ»։  

Նշենք, որ Զարուհի Փոստանջյանը երեկ իր ֆեյսբուքյան էջում հետևյալ կոչն էր արել. «Կո՛չ ենք անում վաղը՝ սեպտեմբերի 21-ին, առավոտյան ժամը 9։00-ից հայրենիքը և հայրենիքի արժանապատվությունը ամեն ինչից վեր դասող քաղաքացիներին համախմբված կերպով լինել Եռաբլուրում՝ կանխելու թուրքական լրտեսի մուտքը»։

Ի դեպ, բերման ենթարկելու պահին ՀՀ որևէ քաղաքացի չէր միացել Զարուհի Փոստանջյանի ակցիային։ 

Տեսանյութն՝ այստեղ