Գնել Սանոսյանը Սյունիքի մարզում ծանոթացել է Տաթեւ-Աղվանի ճանապարհի շինաշխատանքներին

ՀՀ տարածքային կառավարման եւ ենթակառուցվածքների նախարար Գնել Սանոսյանը աշխատանքային այցով Սյունիքի մարզում էր։

«Ճանապարհային դեպարտամենտ» դեպարտամենտից հայտնում են, որ նախարարը մարզպետ Ռոբերտ Ղուկասյանի ու «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանի հետ անցել է Տաթեւ-Աղվանի ճանապարհով, դիտարկել նրա տարբեր հատվածներում այժմ ընթացող բարեկարգման, վերանորոգման ու թերությունների վերացման աշխատանքները, ճանապարհաշինական ընկերությունների պատասխանատուների հետ քննարկել շինարարության ընթացքը, առկա թերությունների վերաբերյալ հանձնարարականներ տվել։