Ադրբեջանում Իրանի դեսպանատան դիմաց տեղի է ունեցել հակաիրանական բողոքի ակցիա

Ադրբեջանում Իրանի դեսպանատան դիմաց անցկացվել է հակաիրանական բողոքի ակցիա:
 Ադրբեջանական իշխանամետ լրատվամիջոցների համաձայն՝ բողոքի ակցիայի ընթացքում հնչել են սադրիչ կարգախոսներ, ինչպիսիք են՝ «Ազատություն Հարավային Ադրբեջանին», «Մոլլաների ռեժիմը տապալված է», «Պարսկական ռեժիմը տապալված է», «Մահ Իրանին», «Բռնապետը տապալված է», «Մոլլաների ռեժիմը պետք է դադարեցնի ջարդը», «Ազատություն, արդարություն», «Ազգային իշխանություն»: Սադրիչները նաև ցույց են տվել «Գորշ գայլեր» ազգայնական արմատական կազմակերպության նշանը։
 Բացի դրանից, ակցիայի մասնակիցները հանդես են եկել հայտարարությամբ, որը փոխանցվել է Իրանի դեսպանատանը։