ՀՀ-ում ներկայումս նվազագույն պարենային զամբյուղում ներառված ապրանքների մասով կանխատեսվող դեֆիցիտ չկա
Տնտեսություն
ՀՀ էկոնոմիկայի նախարար Վահան Քերոբյանը ֆեյսբուքի իր էջում գրել է.
Ռուսաստանյան, ինչպես նաև հայաստանյան ԶԼՄ-ներում վերջին երկու օրերին տարածվող տեղեկատվության վերաբերյալ, համաձայն որի նախատեսվում է սահմանափակել ՌԴ-ից մի շարք պարենային ապրանքատեսակների արտահանումը ԵԱՏՄ երկրներ, տեղեկացնում եմ, որ Հայաստանի պարենային անվտանգության խնդիրները գտնվում են ՀՀ կառավարության ուշադրության և անմիջական վերահսկողության տակ։
Մինչ այս պահը, ՌԴ կառավարության կողմից չկա հաստատված որոշում պարենային ապրանքների արտահանման արգելքի վերաբերյալ, հետևաբար Հայաստան ապրանքների ներմուծումն իրականացվում է բնականոն կերպով։
Հայաստանի Հանրապետությունում ներկայումս նվազագույն պարենային զամբյուղում ներառված ապրանքների մասով կանխատեսվող դեֆիցիտ չկա։ Մենք կապի մեջ ենք ռուսաստանյան մեր գործընկերների հետ, և նույնիսկ արտահանման հնարավոր սահմանափակումների վերաբերյալ ՌԴ կառավարության որոշման պարագայում՝ Հայաստանի Հանրապետությունն ունի բնակչության պարենային անվտանգությունն ապահովելու բոլոր անհրաժեշտ ռեսուրսները։
Ռուսաստանի Դաշնության հացահատիկի ինքնաբավությունը կազմում է շուրջ 150 տոկոս, ինչը նշանակում է, որ ՌԴ-ն ունի բավարար պաշարներ ներքին սպառման և արտահանման համար։
Կոչ ենք անում քաղաքացիներին խուճապային տրամադրություններ չառաջացնել եւ անհարկի գնումներ չկատարել։
Կարդացեք նաև
25 փետրվար 2022, 14:47
Վահան Քերոբյանը ՄԱԿ-ի Պարենի համաշխարհային ծրագրի պատասխանատուների հետ քննարկել է երկրի պարենային ռազմավարության հարցեր
10 մարտ 2022, 18:04
Հաստատվել է մինչև տարեվերջ ՌԴ-ից արտահանման համար արգելված ավելի քան 200 ապրանքատեսակների ցանկը
7 օգոստոս 2021, 16:23
Այս տարվա հուլիսին նախորդ տարվա հուլիսի համեմատ բենզինի և դիզելային վառելիքի գներն աճել են 56.8% և 43.6%-ով
17 փետրվար 2021, 20:26
Վահան Քերոբյանը կարևորել է Գյումրիի սելեկցիոն կայանի դերը ՀՀ պարենային անվտանգության ապահովման հարցում
23 փետրվար 2022, 13:10
ՀՀ-ի արտահանման ծավալներն առաջին անգամ հատել են 3 մլրդ դրամի սահմանաչափը. Վահան Քերոբյան
11 մարտ 2022, 11:19
Հայաստանում հացահատիկի ու շաքարավազի դեֆիցիտ չի կարող լինել. պաշարները լրացված են