Գնայիք պարոն Մելքոնյանի մոտ, ասեիք՝ գեներալ, ինձ մի տեղ տուր, գոնե խրամատ փորեմ. Անդրանիկ Քոչարյանը՝ Ղազինյանին
Քաղաքականություն
«Պարոն Ղազինյան, դուք որտեղ եք եղել 44-օրյա պատերազմի ժամանակ»,- Ազգային ժողովի պաշտպանության և անվտանգության հարցերի մշտական հանձնաժողովի նախագահի տեղակալի թեկնածու Արթուր Ղազինյանին հարցրեց հանձնաժողովի անդամ, «Քաղաքացիական պայմանագիր» խմբակցության պատգամավոր Գագիկ Մելքոնյանը:
Նա թեկնածուից հետաքրքրվեց նաև, թե նրա կարծիքով՝ եթե չստորագրվեր նոյեմբերի 9-ի հայտարարությունը, ապա ինչպիսին կլինեին դրա հետևանքները:
Ի պատասխան Արթուր Ղազինյանն ասաց, որ իրեն զինկոմիսարիատից չեն կանչել, ինչին արձագանքելով՝ հանձնաժողովի նախագահ Անդրանիկ Քոչարյանն ասաց. «Գնայիք պարոն Մելքոնյանի մոտ, ասեիք՝ գեներալ, ինձ մի տեղ տուր, գոնե խրամատ փորեմ»:
«Քաղաքացիական պայմանագիր» խմբակցության պատգամավոր Արմեն Խաչատրյանն էլ հավելեց. «Այս պահին էլ հայ զինվորի վրա կրակում են, ո՞ւր է «բանակի կողքին լինելու» ձեր այդ լոզունգը: Դուք եղել եք ոչ թե բանակի կողքին, այլ զինված հեղաշրջման նախապատրաստման հետևում: Դա այս երկրի հիմքերը կքայքայեր. մի անգամ նման բան լիներ, վերջ, դա արդեն կդառնար նախադեպ»:
Հիշեցնենք, որ այսօր՝ օգոստոսի 31-ին, Ազգային ժողովի պաշտպանության և անվտանգության հարցերի մշտական հանձնաժողովի արտահերթ նիստում քննարկվում էր հանձնաժողովի նախագահի տեղակալի ընտրության հարցը:
Նա թեկնածուից հետաքրքրվեց նաև, թե նրա կարծիքով՝ եթե չստորագրվեր նոյեմբերի 9-ի հայտարարությունը, ապա ինչպիսին կլինեին դրա հետևանքները:
Ի պատասխան Արթուր Ղազինյանն ասաց, որ իրեն զինկոմիսարիատից չեն կանչել, ինչին արձագանքելով՝ հանձնաժողովի նախագահ Անդրանիկ Քոչարյանն ասաց. «Գնայիք պարոն Մելքոնյանի մոտ, ասեիք՝ գեներալ, ինձ մի տեղ տուր, գոնե խրամատ փորեմ»:
«Քաղաքացիական պայմանագիր» խմբակցության պատգամավոր Արմեն Խաչատրյանն էլ հավելեց. «Այս պահին էլ հայ զինվորի վրա կրակում են, ո՞ւր է «բանակի կողքին լինելու» ձեր այդ լոզունգը: Դուք եղել եք ոչ թե բանակի կողքին, այլ զինված հեղաշրջման նախապատրաստման հետևում: Դա այս երկրի հիմքերը կքայքայեր. մի անգամ նման բան լիներ, վերջ, դա արդեն կդառնար նախադեպ»:
Հիշեցնենք, որ այսօր՝ օգոստոսի 31-ին, Ազգային ժողովի պաշտպանության և անվտանգության հարցերի մշտական հանձնաժողովի արտահերթ նիստում քննարկվում էր հանձնաժողովի նախագահի տեղակալի ընտրության հարցը: