Քաղաքացիակենտրոն
լրատվություն

Վաշինգտոնն ակնկալում է, որ Ադրբեջանը անհապաղ դուրս կբերի բոլոր զորքերը Հայաստանի հետ սահմանից. հայտարարություն

Վաշինգտոնն ակնկալում է, որ Ադրբեջանը անհապաղ դուրս կբերի բոլոր զորքերը Հայաստանի հետ սահմանից. հայտարարություն
Քաղաքականություն
23:03, 14 май 2021
ԱՄՆ-ն ուշադիր հետևում է Հայաստանի և Ադրբեջանի սահմանին տիրող իրավիճակին, անպատասխանատու է համարում այդ տարածքներում զորքերի ցանկացած տեղաշարժը: Այս մասին ուրբաթ օրը կայացած հերթական ճեպազրույցում ասել է Պետդեպարտամենտի մամուլի ծառայության ղեկավարի տեղակալ Ջալինա Փորթերը, փոխանցում է Reuters-ը։

«ԱՄՆ իշխանությունները սադրիչ են համարում Ադրբեջանի գործողությունները Հայաստանի հետ սահմանին և կոչ են անում դադարեցնել դրանք:
Վաշինգտոնը ակնկալում է, որ Ադրբեջանը անհապաղ դուրս կբերի բոլոր զորքերը Հայաստանի հետ սահմանից և կհրաժարվի սադրանքներից»,-նշել է Փորթերը։

Հիշեցնենք, որ մայիսի 12-ին Ադրբեջանի զինված ուժերի զինծառայողների որոշ խմբեր հատել են Հայաստանի պետական սահմանը և Սև լիճը պարփակելուն ուղղված գործողություններ արել: Հայաստանի զինված ուժերը մարտավարական բնույթի հակագործողություններ են իրականացրել:Հարակից որոշ տարածքներում դիրքավորված ադրբեջանցիները հայկական զինուժի մարտավարական հակագործողությունների արդյունքում հեռացել են զբաղեցրած բնագծերից: Ոչ Հայաստանի, ոչ Ադրբեջանի զինուժի ներկայացուցիչների կողմից այս պահի դրությամբ հրազենի կամ այլ զինատեսակի կիրառմամբ դեպք չի գրանցվել: Միաժամանակ, ադրբեջանական զինուժի շուրջ 250 ներկայացուցիչներ շարունակում են գտնվել ՀՀ պետական սահմաններից ներս՝ Սյունիքի և Գեղարքունիքի մարզերի որոշ հատվածներում:
Հայաստանը դիմել է ՀԱՊԿ-ին։