Կրակոցները Վերին Շորժայում լսվել են գրեթե ողջ գիշեր. Արտյոմ Երանոսյան․ azatutyun.am
Հայաստան
Կրակոցներ Վերին Շորժայում լսվել են գրեթե ողջ գիշերը, «Ազատությանը» փոխանցեց Գեղարքունիքի մարզի սահմանամերձ համայնքի ղեկավար Արտյոմ Երանոսյանը։
«Կրակոցներ այս գիշեր ժամը 1-ից մինչև առավոտվա 4:30-5-ի մոտակայքում եղել են», - ասաց համայնքի ղեկավարը:
Արտյոմ Երանոսյանի փոխանցմամբ՝ այսօր կրակոցներ չեն լսվել։
Նոյեմբերի 26-ին Սոչիում Հայաստանի, Ադրբեջանի ու Ռուսաստանի ղեկավարների հանդիպումից հետո Երևանն ու Բաքուն երեկ առաջին անգամ հաղորդեցին սահմանային կրակոցների մասին։ Հայաստանի պաշտպանության նախարարության հաղորդմամբ՝ ադրբեջանական կողմը երեկ տարբեր ուղղություններով կրակ է բացել հայկական դիրքերի ուղղությամբ, Երևանը տուժածների մասին չի հայտնում, Բաքուն հաղորդում է, որ գիշերվա կրակոցների հետևանքով մեկ ադրբեջանցի զինծառայող է զոհվել։
Հայաստանի պաշտպանական գերատեսչությունը երեկ նախ հայտնեց՝ ադրբեջանական ուժերը տարբեր տրամաչափի հրաձգային զինատեսակներից կրակ են բացել սահմանի հարավ-արևմտյան ուղղությամբ։ Այսօր էլ տեղեկացրին՝ ուշ երեկոյան ադրբեջանական կողմը հրադադարը խախտել է արդեն սահմանի արևելյան ուղղությամբ։
Երևանը Ադրբեջանի ՊՆ-ին կոչ է անում ձեռնպահ մնալ իրադրությունը սրելուն միտված սադրիչ գործողություններից։ Բաքուն էլ իր հերթին Հայաստանին է մեղադրում իրադրությունը սրելու համար՝ նշելով, որ սահմանային հերթական լարվածության ամբողջ պատասխանատվությունը հայկական կողմի վրա է։ Ավելի վաղ հայտնի էր դարձել, որ Երևանն ու Բաքուն համաձայնել են ուղիղ հաղորդակցության գիծ հաստատել` պաշտպանության նախարարների մակարդակով, որը կծառայի որպես միջադեպերի կանխարգելման մեխանիզմ:
«Կրակոցներ այս գիշեր ժամը 1-ից մինչև առավոտվա 4:30-5-ի մոտակայքում եղել են», - ասաց համայնքի ղեկավարը:
Արտյոմ Երանոսյանի փոխանցմամբ՝ այսօր կրակոցներ չեն լսվել։
Նոյեմբերի 26-ին Սոչիում Հայաստանի, Ադրբեջանի ու Ռուսաստանի ղեկավարների հանդիպումից հետո Երևանն ու Բաքուն երեկ առաջին անգամ հաղորդեցին սահմանային կրակոցների մասին։ Հայաստանի պաշտպանության նախարարության հաղորդմամբ՝ ադրբեջանական կողմը երեկ տարբեր ուղղություններով կրակ է բացել հայկական դիրքերի ուղղությամբ, Երևանը տուժածների մասին չի հայտնում, Բաքուն հաղորդում է, որ գիշերվա կրակոցների հետևանքով մեկ ադրբեջանցի զինծառայող է զոհվել։
Հայաստանի պաշտպանական գերատեսչությունը երեկ նախ հայտնեց՝ ադրբեջանական ուժերը տարբեր տրամաչափի հրաձգային զինատեսակներից կրակ են բացել սահմանի հարավ-արևմտյան ուղղությամբ։ Այսօր էլ տեղեկացրին՝ ուշ երեկոյան ադրբեջանական կողմը հրադադարը խախտել է արդեն սահմանի արևելյան ուղղությամբ։
Երևանը Ադրբեջանի ՊՆ-ին կոչ է անում ձեռնպահ մնալ իրադրությունը սրելուն միտված սադրիչ գործողություններից։ Բաքուն էլ իր հերթին Հայաստանին է մեղադրում իրադրությունը սրելու համար՝ նշելով, որ սահմանային հերթական լարվածության ամբողջ պատասխանատվությունը հայկական կողմի վրա է։ Ավելի վաղ հայտնի էր դարձել, որ Երևանն ու Բաքուն համաձայնել են ուղիղ հաղորդակցության գիծ հաստատել` պաշտպանության նախարարների մակարդակով, որը կծառայի որպես միջադեպերի կանխարգելման մեխանիզմ:
Կարդացեք նաև
23 նոյեմբեր 2021, 16:55
Նորաբակում կրակոցների ձայները լսվել են երեկ ժամը 7-ից մինչև գիշերվա 11-ը, դիրքեր կան, որ ընդամենը 2 կմ են հեռու գյուղից. համայնքապետ
7 հուլիս 2021, 17:55
Վերին Շորժայում այսօր հանգիստ է․ գյուղում նախորդ օրվա կրակոցները չեն էլ լսել․ գյուղապետ
26 հուլիս 2021, 12:16
Այսօր՝ հուլիսի 26-ին, ադրբեջանական ԶՈՒ-ն կրակ է բացել Գեղարքունիքի և Արարատի հայկական դիրքերի ուղղությամբ․ՊՆ
17 օգոստոս 2021, 17:17
Ադրբեջանական կողմը կրկին կրակում է Սոթքում․ունենք մեկ վիրավոր
16 նոյեմբեր 2021, 12:56
Ադրբեջանի ՊՆ-ն կրկին հայտարարել է, թե հայկական կողմը կրակ է բացել իրենց դիքերի ուղղությամբ
14 օգոստոս 2021, 00:37
Ադրբեջանական ԶՈւ-երը կրակ են բացել Գեղարքունիքի դիրքերի ուղղությամբ. ՊՆ