Մանվել Փարամազյանը՝ Քաջարանի համայնքապետի թեկնածու․ «Դեմոկրատական այլընտրանք»-ն ու «Արդարություն»-ը ՏԻՄ ընտրություններին ընդառաջ դաշինք են կազմել
Հայաստան
Մի շարք համայնքներում աշնանը սպասվելիք ՏԻՄ ընտրություններին ընդառաջ աշխուժություն է նկատվում կուսակցությունների շրջանում։ «Դեմոկրատական այլընտրանք» եւ «Արդարություն» կուսակցություններն այսօր հուշագիր են ստորագրել «Դեպի միասնություն» նախընտրական դաշինք ձևավորելու մասին, որը մասնակցելու է Քաջարանի ավագանու սեպտեմբերի 25-ին սպասվելիք ընտրություններին: Հաստատվել է դաշինքի միասնական նախընտրական՝ 43 հոգուց բաղկացած նախընտրական ցուցակը։ Նորաստեղծ դաշինքի՝ Քաջարան համայնքի ղեկավարի թեկնածուն Քաջարանի գործող համայնքապետ Մանվել Փարամազյանն է:
Վերջինս ԱԺ վերջին ընտրություններում՝ Վահե Հակոբյանի գլխավորած՝ «Հայաստան» դաշինքի մաս կազմող «Վերածնվող Հայաստան» կուսակցության վարչության անդամ էր։ Փարամազյանը, սակայն, ամիսներ առաջ դուրս է եկել ՎՀԿ-ից։ Նշենք, որ Վ․ Հակոբյանը վերջերս կայքերից մեկի հետ զրույցում հայտարարել էր. «Մանվել Փարամազյանը «Վերածնվող Հայաստան» կուսակցության անդամ չի հանդիսանում, նրա՝ «Վերածնվող Հայաստան» կուսակցության անդամակցությունը դադարեցնելու վերաբերյալ որոշումը կայացվել է դեռ մայիսի սկզբին»:
«Դեմոկրատական այլընտրանք» կուսակցության ղեկավար Ս․ Սուրենյանցը Civic.am-ի հետ զրույցում հարցին, թե ինչու են որոշել Փարամայանին առաջադրել՝ ասաց․ «Մանվել Փարամազյանն անկախ մարդ է եւ համայնքային զարգացման իր ծրագրերով մոտ է երկու կուսակցությունների ծրագրերին։ Վստահ եմ, որ հենց ինքն է այն թեկնածուն, որն ընտրվելու պարագայում կարող է նպաստել քաղաքի զարգացմանը»։
Հիշեցնենք, որ շաբաթներ առաջ «Հայաստան» դաշինքի անդամներն ու համակիրները անողոք քննադատության ենթարկեցին Փարամազյանին՝ համայնք այցելած ՀՀ վարչապետի տիկին Աննա Հակոբյանին ծաղկեփնջով դիմավորելու համար։ «Դեմոկրատական այլըընտրանք»-ը, նշենք, հայտարարել է նաեւ Ճամբարակում տեղղի ունենալիք ՏԻՄ ընտրություններում իր մասնակցության մասին։ Այս համայնքում կուսակցությունն առանց դաշինքի՝ միանյակ է մասնակցելու։ Համայնքի ղեկավարի թեկնածուն Վազգեն Ադամյանն է՝ համայնքի գործող ղեկավարը։
Վերջինս ԱԺ վերջին ընտրություններում՝ Վահե Հակոբյանի գլխավորած՝ «Հայաստան» դաշինքի մաս կազմող «Վերածնվող Հայաստան» կուսակցության վարչության անդամ էր։ Փարամազյանը, սակայն, ամիսներ առաջ դուրս է եկել ՎՀԿ-ից։ Նշենք, որ Վ․ Հակոբյանը վերջերս կայքերից մեկի հետ զրույցում հայտարարել էր. «Մանվել Փարամազյանը «Վերածնվող Հայաստան» կուսակցության անդամ չի հանդիսանում, նրա՝ «Վերածնվող Հայաստան» կուսակցության անդամակցությունը դադարեցնելու վերաբերյալ որոշումը կայացվել է դեռ մայիսի սկզբին»:
«Դեմոկրատական այլընտրանք» կուսակցության ղեկավար Ս․ Սուրենյանցը Civic.am-ի հետ զրույցում հարցին, թե ինչու են որոշել Փարամայանին առաջադրել՝ ասաց․ «Մանվել Փարամազյանն անկախ մարդ է եւ համայնքային զարգացման իր ծրագրերով մոտ է երկու կուսակցությունների ծրագրերին։ Վստահ եմ, որ հենց ինքն է այն թեկնածուն, որն ընտրվելու պարագայում կարող է նպաստել քաղաքի զարգացմանը»։
Հիշեցնենք, որ շաբաթներ առաջ «Հայաստան» դաշինքի անդամներն ու համակիրները անողոք քննադատության ենթարկեցին Փարամազյանին՝ համայնք այցելած ՀՀ վարչապետի տիկին Աննա Հակոբյանին ծաղկեփնջով դիմավորելու համար։ «Դեմոկրատական այլըընտրանք»-ը, նշենք, հայտարարել է նաեւ Ճամբարակում տեղղի ունենալիք ՏԻՄ ընտրություններում իր մասնակցության մասին։ Այս համայնքում կուսակցությունն առանց դաշինքի՝ միանյակ է մասնակցելու։ Համայնքի ղեկավարի թեկնածուն Վազգեն Ադամյանն է՝ համայնքի գործող ղեկավարը։