Ռոբերտ Քոչարյանն Աթե՞նք է մեկնել․ դատարանը թույլ է տվել նրան 1 շաբաթով հեռանալ երկրից
Հասարակություն
Հայաստան դաշինքի ղեկավար, ՀՀ 2-րդ նախագահ Ռոբերտ Քոչարյանը երեկ՝ օգոստոսի 21-ի երեկոյան, մեկնել է արտերկիր։ Այս մասին իր հրապարակման մեջ տեղեկացրել է Yerevan.Today-ն ու մեջբերել Ռոբերտ Քոչարյանի գրասենյակի համակարգող Բագրատ Միկոյանի խոսքը. «Նախագահ Քոչարյանը նախօրեին մեկ շաբաթով մեկնել է Հայաստանից: Նախագահի փաստաբանական թիմը դիմել էր դատարանին՝ ստանալու մեկնելու թույլտվություն՝ օգտվելով այն հանգամանքից, որ նիստերի ընթացքում մեծ ընդմիջում կա մինչև սեպտեմբերի 20-ը։ Դատարանը թույլ է տվել բացակայել Հայաստանից օգոստոսի 22-29-ը։ Նախագահ Քոչարյանն օգտվել է այդ հնարավորությունից և մեկնել։ Կվերադառնա օգոստոսի 29-ին»։
Թեպետ լրատվականն իր նյութում չի նշել, թե Ռոբերտ Քոչարյանը ո՞ր երկիր է այցելել, սակայն Civic.am-ի տեղեկություններով՝ նա մեկնել է Աթենք։
Մենք կապ հաստատեցինք Ռոբերտ Քոչարյանի փաստաբան Հովհաննես Խուդոյանի հետ՝ ճշտելու, թե ի՞նչ միջնորդություն է ներկայացվել դատարան, ի՞նչ նպատակով է երկրից բացակայում Ռոբերտ Քոչարյանը և արդյոք Աթե՞նք է մեկնել։
«Նախորդ շաբաթ երկրից ժամանակավոր բացակայելու թույլտվություն է ներկայացվել դատարան»,- պատասխանեց Հովհաննես Խուդոյանն ու հավելեց, որ երկրից բացակայելու պատճառի ու վայրի վերաբերյալ մեկնաբանություն չի կարող տալ, քանի որ չունի Ռոբերտ Քոչարյանի համաձայնությունը։
Թեպետ լրատվականն իր նյութում չի նշել, թե Ռոբերտ Քոչարյանը ո՞ր երկիր է այցելել, սակայն Civic.am-ի տեղեկություններով՝ նա մեկնել է Աթենք։
Մենք կապ հաստատեցինք Ռոբերտ Քոչարյանի փաստաբան Հովհաննես Խուդոյանի հետ՝ ճշտելու, թե ի՞նչ միջնորդություն է ներկայացվել դատարան, ի՞նչ նպատակով է երկրից բացակայում Ռոբերտ Քոչարյանը և արդյոք Աթե՞նք է մեկնել։
«Նախորդ շաբաթ երկրից ժամանակավոր բացակայելու թույլտվություն է ներկայացվել դատարան»,- պատասխանեց Հովհաննես Խուդոյանն ու հավելեց, որ երկրից բացակայելու պատճառի ու վայրի վերաբերյալ մեկնաբանություն չի կարող տալ, քանի որ չունի Ռոբերտ Քոչարյանի համաձայնությունը։