Ոստիկանությունում նշանակվել է ծառայողական քննություն՝ տղամարդուն երեխաների աչքերի առաջ ուժի կիրառմամբ բերման ենթարկելու դեպքով. pastinfo.am
Իրավունք
Ոստիկանության ծառայողների կողմից տղամարդուն՝ երեխաների աչքերի առաջ բռնություն գործադրելով բերման ենթարկելու դեպքով ՀՀ ոստիկանության Ներքին անվտանգության վարչությունում ծառայողական քննություն է նշանակվել։ Այս մասին «Փաստինֆո»-ի հետ զրույցում հայտնեցին ՀՀ ոստիկանության Հասարակայնության հետ կապերի և լրատվության վարչությունից՝ տեղեկացնելով, որ հանձնարարությունը տրվել է ՀՀ ոստիկանության պետի կողմից։
Ինչպես արդեն տեղեկացրել ենք՝ երեկ ոստիկանության ծառայողները բիրտ ուժ կիրառելով բերման են ենթարկել տղամարդուն՝ երեխաների աչքերի առաջ։ Ընդ որում, տղամարդը բերման է ենթարկվել ապօրինի շինություն կառուցելու համար։ Տարածված տեսանյութում երևում է, թե ինչպես են երեխաները լալիս, վախենում, իսկ այսօր արդեն, ըստ մամուլում շրջանառվող տեղեկությունների, երեխաներից մեկը ցնցումներով տեղափոխվել է ԲԿ։
ՀՀ գլխավոր դատախազի՝ ԶԼՄ-ների հետ կապերի գծով խորհրդական Գոռ Աբրահամյանը հայտնել է, որ տեսանյութն ուղարկվել է ՀՔԾ՝ ՀՀ քրեական դատավարության օրենսգրքի 180-րդ և 181-րդ հոդվածներով սահմանված կարգով նյութեր նախապատրաստելու, քրեական վարույթի շրջանակներում տեսանյութում երևացող հանգամանքները, ինչպես նաև ոստիկանների գործողությունների իրավաչափությունը և համաչափությունը պարզելու, իրավական գնահատականներ տալու նպատակով։
Ինչպես արդեն տեղեկացրել ենք՝ երեկ ոստիկանության ծառայողները բիրտ ուժ կիրառելով բերման են ենթարկել տղամարդուն՝ երեխաների աչքերի առաջ։ Ընդ որում, տղամարդը բերման է ենթարկվել ապօրինի շինություն կառուցելու համար։ Տարածված տեսանյութում երևում է, թե ինչպես են երեխաները լալիս, վախենում, իսկ այսօր արդեն, ըստ մամուլում շրջանառվող տեղեկությունների, երեխաներից մեկը ցնցումներով տեղափոխվել է ԲԿ։
ՀՀ գլխավոր դատախազի՝ ԶԼՄ-ների հետ կապերի գծով խորհրդական Գոռ Աբրահամյանը հայտնել է, որ տեսանյութն ուղարկվել է ՀՔԾ՝ ՀՀ քրեական դատավարության օրենսգրքի 180-րդ և 181-րդ հոդվածներով սահմանված կարգով նյութեր նախապատրաստելու, քրեական վարույթի շրջանակներում տեսանյութում երևացող հանգամանքները, ինչպես նաև ոստիկանների գործողությունների իրավաչափությունը և համաչափությունը պարզելու, իրավական գնահատականներ տալու նպատակով։