ՏԻՄ ընտրություններին մասնակցած քաղաքացիների մոտ կեսը իր քվեն տվել է ՔՊ-ին, մյուս կեսի ձայները բաշխվել են մնացած քաղաքական ուժերի միջև
Քաղաքականություն
2021 թվականի դեկտեմբերի 5-ին մի շարք մարզերի 36 համայնքներում կայացան ՏԻՄ համամասնական ընտրություններ։ Իշխող «Քաղաքացիական պայմանագիր» կուսակցությունը 36 համայնքներից 35-ում մասնակցեց ընտրություններին, իսկ մեկում՝ Սևանում, աջակցեց «Սարգիս Մուրադյան» դաշինքին։
Նախնական արդյունքներով՝ ընտրություններում ընտրելու իրավունք ունեցող 1.111.912 քաղաքացիներից բոլոր համայնքներում միասին մասնակցել է 472.332-ը։
«Քաղաքացիական պայմանագրին» այդ 472.332 քաղաքացիներից կողմ քվեարկել է 233.454-ը կամ 49,4 տոկոսը։ Մյուս բոլոր ուժերը միասին ստացել են քվեարկությանը մասնակցած քաղաքացիների 50,6 տոկոսը։
Խորհրդարանական ընդդիմադիր ուժերից ընտրություններին ամենաշատ համայնքներում մասնակցել է ՀՅԴ-ն՝ 10 համայնքներում կուսակցությամբ և ևս 10-ում՝ այլ ուժերի հետ դաշինքներով։ Այն համայնքներում, որտեղ Դաշնակցությունը մասնակցել է միայնակ, որևէ տեղում չի հաղթել։ 9 համայնքներում կուսակցությունը հաղթահարել է անցողիկ շեմը, իսկ մեկում՝ առհասարակ դուրս մնացել։
Խորհրդարանական ընդդիմությունը, որը համայնքներից մեծամասնությունում իր դեմքով նույնիսկ հանդես չի եկել, այս ընտրություններից հետո ևս հրճվանքով արձանագրում է, թե, իբր, իշխող ուժը պարտություններ է կրում է ՏԻՄ-երում։ Սակայն թվերը այլ բանի մասին են խոսում։ Ընտրողների գրեթե կեսը քվեարկել է «Քաղաքացիական պայմանագրի» օգտին, իսկ մյուս կեսը՝ տասնյակից ավելի մնացած ուժերի։
36 համայնքներից 25-ում «Քաղաքացիական պայմանագիր» կուսակցությունն առաջատար է, իսկ 16-ում միանձնյա կկարողանա համայնքների ղեկավարներ ընտրել։ Մյուս 20 համայնքներից մի մասում իշխող ուժը, ամենայն հավանականությամբ, համայնքապետեր կնշանակի այլ ուժերի հետ կոալիցիա կազմելուց հետո։
Վովա Հակոբյան
Նախնական արդյունքներով՝ ընտրություններում ընտրելու իրավունք ունեցող 1.111.912 քաղաքացիներից բոլոր համայնքներում միասին մասնակցել է 472.332-ը։
«Քաղաքացիական պայմանագրին» այդ 472.332 քաղաքացիներից կողմ քվեարկել է 233.454-ը կամ 49,4 տոկոսը։ Մյուս բոլոր ուժերը միասին ստացել են քվեարկությանը մասնակցած քաղաքացիների 50,6 տոկոսը։
Խորհրդարանական ընդդիմադիր ուժերից ընտրություններին ամենաշատ համայնքներում մասնակցել է ՀՅԴ-ն՝ 10 համայնքներում կուսակցությամբ և ևս 10-ում՝ այլ ուժերի հետ դաշինքներով։ Այն համայնքներում, որտեղ Դաշնակցությունը մասնակցել է միայնակ, որևէ տեղում չի հաղթել։ 9 համայնքներում կուսակցությունը հաղթահարել է անցողիկ շեմը, իսկ մեկում՝ առհասարակ դուրս մնացել։
Խորհրդարանական ընդդիմությունը, որը համայնքներից մեծամասնությունում իր դեմքով նույնիսկ հանդես չի եկել, այս ընտրություններից հետո ևս հրճվանքով արձանագրում է, թե, իբր, իշխող ուժը պարտություններ է կրում է ՏԻՄ-երում։ Սակայն թվերը այլ բանի մասին են խոսում։ Ընտրողների գրեթե կեսը քվեարկել է «Քաղաքացիական պայմանագրի» օգտին, իսկ մյուս կեսը՝ տասնյակից ավելի մնացած ուժերի։
36 համայնքներից 25-ում «Քաղաքացիական պայմանագիր» կուսակցությունն առաջատար է, իսկ 16-ում միանձնյա կկարողանա համայնքների ղեկավարներ ընտրել։ Մյուս 20 համայնքներից մի մասում իշխող ուժը, ամենայն հավանականությամբ, համայնքապետեր կնշանակի այլ ուժերի հետ կոալիցիա կազմելուց հետո։
Վովա Հակոբյան