Անդրանիկ Քոչարյանն այցելել է ՊՆ N զորամասի ինժեներասակրավորային վաշտի կացարան, որտեղ տեղի էր ունեցել հրդեհը, քննարկել դեպքի հանգամանքները
Հայաստան
Հունվարի 22-ին ՀՀ ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը հանձնաժողովի անդամ Գուրգեն Մելքոնյանի հետ այցելել է ՀՀ ԶՈւ 2-րդ բանակային զորամիավորում: Այդ մասին հայտնում են ՀՀ ԱԺ պաշտպանության և անվտանգության հարցերի մշտական հանձնաժողովից։
Կորպուսի հրամանատար Գ. Պողոսյանի, բարձրաստիճան սպաների, ինչպես նաև շարքային անձնակազմի հետ հանդիպման ընթացքում նրանք ծանոթացել են սահմանին տիրող իրավիճակին ու առկա խնդիրներին և քննարկել են այդ խնդիրների լուծման համապատասխան քայլերը:
Այնուհետ նրանք այցելել են ՀՀ ՊՆ N զորամասի ինժեներասակրավորային վաշտի կացարան, որտեղ տեղի էր ունեցել աղետալի դեպքը: Քննարկվել են դեպքի վերաբերյալ հանգամանքները և մանրամասները: Ա. Քոչարյանն ու Գ. Մելքոնյանը նշել են այն հիմնական քայլերը, որոնք զերծ կպահեն նմանատիպ աղետալի ելքերից:
Տարածքային ՌՈ սպայակազմի հետ քննարկվել են զինվորական այլ վայրերում խնդիրների վերացման և հրամանների կատարման որակը բարձրացնող հարցերը: Կարևորվել է նաև ՌՈ աշխատակազմի և տարածքային այլ ուժային ստորաբաժանումների համագործակցությունը:
Հանձնաժողովի նախագահը տեղի հրամանատարությանն առաջարկել է, որ համատեղ աշխատանքների շնորհիվ վերականգնվեն վաշտի ծառայության առօրյային առնչվող`մինչ հրդեհը եղած անխտիր բոլոր մանրամասները:
Կարդացեք նաև
21 սեպտեմբեր 2022, 20:53
ՀՀ ԱԺ պաշտպանության և անվտանգության հարցերի մշտական հանձաժողովի ներկայացուցիչներ այցելել են ՀՀ ԶՈւ 2-րդ բանակային կորպուս
5 նոյեմբեր 2022, 19:08
Քննարկել են այն խնդիրների շտկումները, որոնք կարող են առաջանալ 25-օրյա հավաքների ընթացքում. Անդրանիկ Քոչարյանը այցելել է ՀՀ ԶՈւ N զորամաս
14 հոկտեմբեր 2022, 16:56
ԱԺ պաշտպանության հանձնաժողովի անդամներն այցելել են հայ-ադրբեջանական սահմանի արևելյան հատվածում տեղակայված դիրքեր
13 հոկտեմբեր 2022, 16:43
Անդրանիկ Քոչարյանը և Արմեն Խաչատրյանը N զորամասի հրամանատարության հետ քննարկել են ուսումնավարժական հավաքների կազմակերպմանն առնչվող հարցեր
20 հունվար 2023, 15:18
ԱԺ Պաշտպանության և անվտանգության հարցերի հանձնաժողովում տեղի է ունեցել աշխատանքային փակ քննարկում
27 հունվար 2022, 16:31
Անդրանիկ Քոչարյանն ընդունել է ՍԴՀԿ կենտրոնական վարչության ատենապետ Համբիկ Սարաֆյանին